ჩოხატაურის მუნიციპალიტეტის სოფელ გორაბერეჟოულში ხანძრის შედეგად საცხოვრებელი სახლი დაიწვა.

როგორც ჩოხატაურის მერმა, ირაკლი კუჭავამ გვითხრა, ორსართულიან სახლში გაჩენილი ცეცხლი მეზობლებმა დაინახეს და სახანძროში დარეკეს, თუმცა, სახლის გადარჩენა ვერ მოხერხდა. მსხვერპლი არ არის:

"ერთი ადამიანი ცხოვრობს სახლში. მეზობლებმა შეამჩნიეს დაკვამლიანება მეორე სართული ხისაა და უცებ მოედო მთელს სახლს ცეცხლი. დარეკეს სახანძროში, თუმცა, სახლის გადარჩენა ვერ მოხერხდა, დაგვიანებული ზარის გამო", - გვითხრა კუჭავამ.

ხანძრის გაჩენის მიზეზი ამ დროისთვის დაუდგენელია.