"სამი მეტრი მაინც არის გათრეული თმებით" - მშობელი ბაღის მასწავლებელს ძალადობის გამო უჩივის

შემთხვევა - 17:53, 02 Mar, 2018

12337

გლდანში, კერძო საბავშვო ბაღის „ჭიამაიას“ აღსაზრდელის მშობელი, მასწავლებელს ბავშვზე განხორციელებული ძალადობის გამო უჩივის.

„მშობლებო, მეგობრებო, მასწავლებლებო სამწუხაროდ ვავრცელებ ინფორმაციას ამ ეტეპზე ფოტოს სახით აღშფოთებული და დათრგუნული ვარ რაც შ.პ.ს. ბაგა-ბაღ " ჭიამაია"-ში მოხდა ჩემი ვაჟის გაბრიელ გობიანის თავს, ის გახდა ძალადობის მსხვერპლი მასწავლებლის მიერ და არაერთ გზის, ყველაზე სამწუხარო და მტკივნეული ის ფაქტია რომ მტკიცებულება ვიდეო,ასევე ფოტოს სახით გადაეცა ყველა უწყება სადაც აშკარაა ძალადობა, მაგრამ დღევანდელ საქართველოში მე ვფიქრობ რომ ისევ ბნელა!! რეაგირება დღემდე არ მოყოლია და მასწავლებლისათვის ბრალდება არ არის წარდგენილი, როდესაც მტკიცებულებები და აღიარებითი ჩვენება უკვე აქვთ შსს და ასევე პროკურატურას, როდესაც კვალიფიკაცია უკვე მიცემულია 126 მულის 1 "ა" ქვეპუნქტით, სამწუხაროდ დამნაშავე ჯერ კიდევ დასჯილი არ არის!! მე როგორც დედა განადგურებული ვარ . 21 სუკუნის საქართველო სდუმს!!!”-წერს ქრისტინე მირზოიანი.

მისი თქმით, მასწავლებელს ბავში ერთი ადგილლიდან მეორემდე თმების მოქაჩვით გადაჰყავს:

„თმების ძლიერი მოქაჩვით გაჰყავს ერთი ადგილიდან მეორე ადგილამდე. იმ ხარისხიან ვიდეოში, რომელიც თვითონ პოლიციამ მოიძია და ამოიღო ბაღიდან, ნათლად ჩანს, რომ სამი მეტრი მაინც არის გათრეული თმებით,“ - განაცხადა ბავშვის დედამ, ქრისტინე მირზოიანმა.

საქმეზე გამოძიება სისხლის სამართლის კოდექსის 126-ე მუხლის პირველი ნაწილით მიმდინარეობს.

ბრალის დამტკიცების შემთხვევაში კი მასწავლებელს 1-დან 2 წლამდე თავისუფლების აღკვეთა ემუქრება.