„პატრიოტთა ალიანსის“ ლიდერი და საქართველოს პარლამენტის ვიცესპიკერი ირმა ინაშვილი ამერიკის შეერთებული შტატების ელჩის იან კელის უფლებამოსილების ვადის გასვლას „ღვთის შეწევნად“ აფასებს და აცხადებს, რომ იან კელი საქართველოს სახელმწიფო საქმეებში ერეოდა. აღნიშნული განცხადება ინაშვილმა ტელეარხ "ობიექტივის" ეთერში გააკეთა:

„ჩვენ გვყავს რაღაცა სტერეოტიპების მონა ხელისუფლება. აი მე პარლამენტში ვარ მეორე წელია და ვაკვირდები რა პროცესს - ეს იან კელი, რომელიც ღვთის შეწევნით მოშორდა უკვე ჩვენს ქვეყანას, იყო ელჩი, რომელიც მუდმივად გვასწავლიდა, ვინ უნდა აგვერჩია, სად უნდა დაგვენიშნა, სახალხო დამცველი დაანიშნინა პარლამენტს იან კელიმ და ჩვენ ისეთ მოვლენასთან გვქონდა საქმე, რომ ერთი მხრივ, ამერიკული პოლიტიკა... სულაც არ არის ეს ამერიკული პოლიტიკა, ჩვენ ჩავრჩით ობამას ადმინისტრაციის ეპოქაში და იქ ტრამპია უკვე, სულ სხვა პოლიტიკა ვითარდება აშშ-ში და ის მომენტი, რომ რაღაცის მძევლები ვართ, რაღაცა სტერეოტიპების, არ შეგვიძლია რაღაცა დოგმებთან დაპირისპირება, არ შეგვიძლია რაღაცის გადაბიჯება და ქვეყნის სახელმწიფოებრივი ინტერესით ხელმძღვანელობა, გესმით?”- განაცხადა ირმა ინაშვილმა.

მისი თქმით მისი პარტიის ინიციატივას, რომ საქართველო-ნატო-რუსეთის ფორმატი შექმნილიყო, საქართველოს პოლიტიკური სპექტრის გარკვეულმა წარმომადგენლებმა ლუკ კოფის ინიციატივა დაუპირისპირეს. მისი თქმით ლუკ კოფის ინიციატივა ნატოში გაწევრიანების ახალ პირობებთან დაკავშირებით, სწორედ მისი ფორმატის გადასაფარად იქნა შემოგდებული.

„უცბად აღმოაცენეს ჭე კლასის ექსპერტი ქუთელიებმა და ბოკერიებმა, ამას მიცეს დაწერილი სქემა რაზე უნდა ელაპარაკა და გამოაცხვეს იდეა. შემდეგ ამ მოდელით ჩამოვიდა საქართველოში და წარმოადგინა ეს როგორც ამერიკული მოდელი, დავაკვირდეთ, მას ერთ მხარეს უზის საქართველოს საგარეო საქმეთა მინისტრი და მეორე მხარეს იან კელი.“- განაცხადა ირმა ინაშვილმა