„თუ კონკრეტულ ნაბიჯებს არ გადავდგამთ, გამოვა, რომ რუსეთს ეს ყველაფერი შერჩება“

„თუ კონკრეტულ ნაბიჯებს არ გადავდგამთ, გამოვა, რომ რუსეთს ეს ყველაფერი შერჩება“ - გიორგი კანდელაკი

პოლიტიკა - 12:37, 02 Mar, 2018

970

რეზოლუცია რუსეთის წინააღმდეგ - „ევროპული საქართველოს“ წარმომადგენლის გიორგი კანდელაკის განცხადებით, თუ კონკრეტული ნაბიჯები არ იქნება გადადგმული, გამოვა, რომ „რუსეთს ყველაფერი“ შერჩება, ეს კომენტარი კანდელაკმა არჩილ ტატუნაშვილის მკვლელობის საქმის კომენტირებისას გააკეთა:

„იმ შემთხვევაში, თუ არ იქნება კონკრეტული ნაბიჯები გადადგმული ამ პირების მიმართ, რომლებიც ჩართულნი არიან ჩვენი მოქალაქეების მკვლელობაში, მაშინ გამოვა, რომ ჩვენი მხრიდან რუსეთს ეს ყველაფერი შერჩება, რეალურად, და მომავალშიც არანაირი შემაკავებელი ფაქტორი საოკუპაციო ძალებს, რომ ჩაიდინონ მსგავსი დანაშაულებები, არ ექნებათ.

იმის გათვალისწინებით, რომ დღეს მსგავსი ინიციატივებისთვის არის ხელსაყრელი საერთაშორისო პოლიტიკური კონიუნქტურა, იმ პირების მიმართ, რომლებიც პირდაპირ ან ირიბად არიან გარეულნი რაიმე ფორმით ჩვენი მოქალაქეების მკვლელობაში ან მათ წინააღმდეგ მართლსაწინააღმდეგო ქმედებებში, ამ პირების მიმართ გატარდეს კონკრეტული სანქციები, იქნება ეს გადაადგილების თავისუფლების შეზღუდვა, საბანკო ტრანზაქციების განხორციელების შეზღუდვა,“ - განაცხადა კანდელაკმა.