ოკუპირებულ ცხინვალში ქართველი სამხედროს არჩილ ტატუნაშვილის გაურკვეველ ვიტარებაში გარდაცვალების ფაქტს აშშ-ის ელჩი საქართველოში იან კელი ეხმაურება. იან კელი იმედოვნებს, რომ ტატუნაშვილის ცხედარს ოჯახს რაც შეიძლება სწრაფად დაუბრუნებენ:

"ჯერ არ ვიცი როგორ დასრულდა დღევანდელი შეხვედრა ერგნეთში. მოგეხსენებათ ჩვენ გავაკეთეთ განცხადება ამ ფაქტთან დაკავშირებით და გეტყვით, რომ ეს არის მართლაც საშინელი ტრაგედია ოჯახისა და ნათესავებისთვის. თუმცა, შემაძრწუნებელია სიტუაცია, იმიტომ რომ მოქალაქეებმა უნდა იცოდნენ რა მოხდა იქ. გარდა ამისა, რა თქმა უნდა, უნდა დადგეს პასუხისმგებლობის საკითხი. ამ ტიპის ინციდენტი არ არის პირველი. ჩვენ გავაგრძელებთ, რომ ხმა ავიმაღლოთ. გარკვეულწილად პასუხისმგებლობა გეკისრება, როცა ხარ ოკუპანტი,"- განაცხადა იან კელიმ.