ბარათაშვილის ქუჩაზე მომხდარ უბედურ შემთხვევას თბილისის საკრებულოს წევრი, მთაწმინდის რაიონის მაჟორიტარი ჯაბა ჯიშკარიანი გამოეხმაურა. მისი თქმით, მიმდინარეობს გამოძიება და ფაქტზე უმკაცრესი რეაგირება მოხდება. საკრებულოს დეპუტატის თქმით დაშავებული მოზარდების დასახმარებლად დედაქალაქის მთავრობის მხრიდან ყველა საჭირო ღონისძიება განხორციელდება:

„დადგინდება კონკრეტულად ვისი ბრალეულობაა, ჩვენგან იქნება უმკაცრესი ზომები მიღებული და მოხდება ამ ფაქტზე რეაგირება, რაც შეეხება ფაქტს, მოხდა ძალიან სამწუხარო ფაქტი დაშავებული არიან მოზარდები.“- განაცხადა ჯაბა ჯიშკარიანმა.

შეგახსნებთ, რამდნიმე საათის წინ ბარათაშვილის ქუჩაზე გაჩერებაზე მდგომ მოზარდებს იქვე მდებარე შენობიდან ჩამოვარდნილი მინა დაეცა. მოზარდები საავადმყოფოში არიან გადაყვანილნი, ერთ-ერთი მათგანის მდგომარეობა მძიმეა და მას სასწრაფო ოპერაცია უტარდება.