"ეს არის ფანდი, რომ გაწელონ და სიმართლის დადგენა გაჭირდეს" - სოფო კილაძე ტატუნაშვილის გადმოსვენებაზე

პოლიტიკა - 12:36, 27 Feb, 2018

808

საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძემ ცხინვალში დაღუპული არჩილ ტატუნაშვილის ოჯახს მიუსამძიმრა. მისი თქმით, შესაბამისი უწყებები ყველაფერს აკეთებენ იმისთვის, რომ ცხედარი ოჯახს მალე გადაეცეს.

"ოკუპაცია, რომელიც უკვე წლებია ჩვენი ქვეყნისთვის არის ძალიან დიდი საფრთხე, ვისურვებდი, რაც შეიძლება მალე დასრულებულიყო. თუმცა საკითხი დგას ისე, თუ რა ბერკეტები გვაქვს ჩვენ ახლა იმისთვის, რომ ამ რეჟიმს გავუმკლავდეთ – პირველ რიგში, ჩვენი საერთაშორისო პარტნიორების მხარდაჭერა, რადგან ეს საკითხი რომ არ იყოს აქტუალური ყოველთვის საერთაშორისო დონეზე, ფორუმებსა და ა.შ. ბუნებრივია, კიდევ უფრო რთულ სიტუაციაში ვიქნებოდით. აქედან გამომდინარე, მაქსიმალურად დიდი მნიშვნელობა აქვს ჩვენი პარტნიორების მხარდაჭერას. ბუნებრივია, ამავდროულად ჩვენ, როგორც სახელმწიფომ აუცილებლად უნდა გადავდგათ რა ნაბიჯებიც შეგვიძლია. შესაბამისი უწყებები ნამდვილად ძალღონეს არ იშურებენ იმისთვის, რომ ცხედარი თავის ოჯახს გადაეცეს. არ მაქვს განცდა, რომ იქ რაიმე სამართლებრივად და სწორად გაკეთდება. ჩემი აზრით, ეს არის ფანდი, გაწელონ და გააჭიანურონ პროცესი, რომ სიმართლის დადგენა გაჭირდეს" - აღნიშნა სოფო კილაძემ.