ხანძარი თევდორე მღვდლის ქუჩაზე - ცეცხლი ლოკალიზებულია, ადგილზე მეხანძრეები რჩებიან და მიმდინარეობს სალიკვიდაციო სამუშაოები.

ადგილზე შეკრებილნი არიან ბაზრის ტერიტორიაზე არსებული მაღაზიების მფლობელებიც და ელოდებიან ხანძრის სრულ ლიკვიდაციას, რათა მათ კუთვნილ სავაჭრო ფართებში შესვლა შეძლონ.

ისინი აცხადებენ, რომ ზარალი ათიათასობით ლარი იქნება, რათა პროდუქცია დაზღვეული არ ჰქონდა. ბაზრობის მოვაჭრეებს ეჭვი აქვთ, რომ ხანძარი განზრახ გააჩინეს, თუმცა კონკრეტული პირების ინტერესებზე ვერ საუბრობენ.

უცნობია თუ რა გახდა ხანძრის გამომწვევი მიზეზი. სავაჭრო ცენტრ ,,თერგს“ ცეცხლი გვიან ღამით გაუჩნდა, ბაზრობას რამდენიმე მეწილე ჰყავს, თუმცა მათ ამ დრომდე კომენტარი არ გაუკეთებიათ. პირველად ინფორმაციით, დამწვარია სავაჭრო ცენტრის 3000 კვ მეტრი ფართობი.