„ლიცენზიებისა და ნებართვების შესახებ“ კანონში დაგეგმილი ცვლილების მიხედვით, დედაქალაქში ტაქსით საქმიანობისთვის ნებართვის მიღება ფასიანი იქნება.

ცვლილებების ინიცირება ბიუროს დღევანდელ სხდომაზე მოხდა. ცვლილებების ავტორები საპარლამენტო უმრავლესობის წევრები კახა კუჭავა და ნინო წილოსანი არიან.

დოკუმანტის თანახმად, დედაქალაქში ტაქსით გადაყვანის ნებართვას კონკურსის წესით დედაქალაქის მთავრობა, ან დედაქალაქის მერიის სტრუქტურული ერთეული გასცემს. პროექტში ნათქვამია, რომ ნებართვის მაძიებელი ტაქსი გადაყვანის ნებართვის მისაღებად ნებართვის საფასურს გადაიხდის.

ტაქსით გადაყვანის სანებართვო პირობებს, ნებართვის გაცემის წესს, ნებართვის გაცემის ფასსა და მისი გადახდის წესს დედაქალაქის წარმომადგენლობითი ორგანო გასცემს.

ტაქსით გადაყვანის ნებართვის გაცემის ფასი კი დედაქალაქის ბიუჯეტში ჩაირიცხება.