ტელეკომპანია "იმედს" სიცრუის გავრცელებაში ადანაშაულებენ

ტელეკომპანია "იმედს" სიცრუის გავრცელებაში ადანაშაულებენ - "ომეგა ჯგუფის" საგანგებო განცხადება

პოლიტიკა - 18:40, 26 Feb, 2018

1398

კომპანია "ომეგა ჯგუფის" აღმასრულებელი მენეჯერი ტელეკომპანია „იმედს“ სიცრუის გავრცელებაში ადანაშაულებს, კერძოდ ლევან აღდგომელაშვილის თქმით, „იმედის“ ეთერში გაჟღერდა ინფორმაცია იმასთან დაკავშირებით, რომ საქალაქო სასამართლომ აღიარა „ომეგა ჯგუფის“ ზიანი, თუმცა კომპენსაციის ანაზღაურება არავისთვის დაუკისრებია.

„ეს არის ტყუილი. საქალაქო სასამართლომ აღიარა ზიანი და 100 მილიონის ანაზღაურება სწორედ „ბრითიშ ამერიკან ტობაგოს“ დააკისრა. სიუჟეტში ისიც ითქვა, რომ უზენაესმა სასამართლომ ჩვენი სარჩეული დაუშვებლად სცნო. ესეც არის ტყუილი, უზენაესმა სასამართლომ ჩვენი სარჩელი მიიღო, განიხილა, თუმცა არ დააკმაყოფილა.“- განაცხადა აღდგომელაშვილმა.

„გსურს აღვნიშნოთ, რომ ომეგა ჯგუფისა და ტელეკომპანია იბერიის ირგვლივ შექმნილ ვითარებას საზოგადოებრივი მაუწყებელი და ტელეიმედი იდენტური მესიჯბოქსებითა და ხელწერით აშუქებენ. მათ ვინც იციან შევახსენებთ, ხოლო ვისთვისაც ცნობილი არაა გვსურს განვმარტოთ, რომ ტელეიმედი ეს არის კომპანია, რომლის მფლობელობაშიც აღმოჩნდა ტელეკომპანია იბერიას 2004 წელს ძალით წართმეული ლიცენზია, მაშინ როდესაც 2012 წელს ტელეიმედი ამჟამინდელ მფლობელებს დაუბრუნდათ. თუმცა თავის დროზე ზექოლის ქვეშ მყოფი ტელევიზიის ახლანდელ მეპატრონეებს არც კი მოსვლიათ თავში აზრად, რომ ზეწოლის მსხვერპლი იბერიისათვის მისი კანონიერი საკუთრება დაებრუნებინათ. უფრო მეტიც ტელეკომპანიის მესვეურებმა ამ ბაზაზე მოინდომეს გასართობი არხის შექმნა. გვაქვს სრული საფუძველი ეჭვი შევიტანოთ ტელეიმედის ეთერით გაჟღერებულ განცხადებაში თითქოს ისინი სოლიდარულები არიან ზეწოლის ქვეშ მყოფი მედიისა და ბიზნესის მიმართ.“- განაცხადა აღდგომელაშვილმა.