სახელმწიფო უსაფრთხოების სამსახურის მოთხოვნით ერგნეთში ინციდენტების პრევენციისა და მათზე რეაგირების მექანიძმის ჯგუფის არაგეგმიური შეხვედრა გაიმართა, რომელიც რამდენიმე წუთის წინ დასრულდა.

შეხვედრის დასრულების შემდეგ ჟურნალისტებთან საუბრისას სუს-ის წარმომადგენელმა კახაბერ ქემოკლიძემ აღნიშნა, რომ შეხვედრაზე დე-ფაქტო ცხინვალის წარმომადგენლებმა ოკუპირებულ ტერიტორიაზე გარდაცვლილი არჩილ ტატუნაშვილის ცხედრის გადმოცემაზე ამ ეტაპზე უარი განაცხადეს.

შეხვედრის ფარგლებში გაირკვა, რომ ტატუნაშვილის ცხედრის საფუძვლიანი ექსპერტიზა ვერ ჩატარდა, რის გამოც რუსეთის საექსპერტო ბიუროს მიმართეს და ექსპერტიზას რამდენიმე დღე დასჭირდება.