როგორ მოხვდა საერთაშორისო ტერორისტი ჩატაევი თბილისში - ოპოზიცია საგამოძიებო კომისიის შექმნას მოითხოვს

პოლიტიკა - 09:54, 26 Feb, 2018

824

,,ნაციონალური მოძრაობა“ 22 ნოემბრის ანტიტერორისტული ოპერაციის საქმეზე საგამოძიებო კომისიის შექმნას მოითხოვს. მათი თქმით, პასუხის უნდა გაეცეს კითხვას, თუროგორ მოხვდა საერთაშორისო ტერორისტი აჰმედ ჩატაევი თბილისში. ენმ აღნიშნულ საკითხს ბიუროს სხდომაზე დააყენებს.

,,ეს ჩავარდნები გამოსაძიებელია და პასუხისმგებლობის საკითხი დასაყენებელია იმ პირების წინაშე, რომლებიც ვერ გაუმკლავდნენ ამოცანას.

ქალაქში ან შემოეპარათ ან შემოიყვანეს ტერორისტები, მალავდნენ მათ და მერე მთელი უბნის, მთელი დედაქალაქის სერიოზული ნაწილის სიცოცხლე ჩააგდეს საფრთხეში“-აცხადებს ,,ნაციონალური მოძრაობის“ წევრი ნიკა რურუა.

ინიციატივას უერთდება ,,ევროპული საქართველოც“. რომელიც ძალოვანი მინისტრებს პარლამენტში იბარებს.

,,ეს ეხება რამდენიმე საგამოძიებო კომისიას კონკრეტულ საკითხებთან დაკავშირებით . საზედამხედველო საქმიანობის უფრო ეფექტურ განხორციელებას პარლამენტში, რაც ბუნებრივია უკავშირდება მთავრობის წევრების მოსვლას და ანგარიშებს,“-აცხადებს ფრაქცია ”ევროპული საქართველო - მოძრაობა თავისუფლებისთვის” თავმჯდომარე გიგი წერეთელი.