თბილისის მერიის ზედამხედველობის სამსახური სახელმწიფო ენის შესახებ კანონის დარღვევაზე თვალს ხუჭავს

თბილისის მერიის ზედამხედველობის სამსახური სახელმწიფო ენის შესახებ კანონის დარღვევაზე თვალს ხუჭავს - "თავისუფალი საქართველო"

პოლიტიკა - 13:27, 24 Feb, 2018

1343

„თავისუფალი საქართველოს“ თბილისის მერიის ზედამხედველობის სამსახურს სახელმწიფო ენის შესახებ კანონის დარღვევაზე თვალს ხუჭავაში ადანაშაულებს:

"საქართველოს კანონმდებლობით დადგენილი წესით, ნებისმიერი სახის რეკლამა სახელმწიფო ენაზე სრულდება. საჭიროების შემთხვევაში, შესაბამისი ინფორმაცია შეიძლება მიეთითოს არასახელმწიფო ენაზედაც (ქართულთან ერთად). მხოლოდ უცხოენოვანი რეკლამის განთავსება, წარმოადგენს სამართალდარღვევათას და იწვევს იურიდიული პირის 3000 ლარით დაჯარიმებას.

მხოლოდ უცხოენოვანი სარეკლამო ბანერებია განთავსებული თბილისის პრაქტიკულად ყველა ცენტრალურ ქუჩაზე (თამარაშვილის, ჭავჭავაძის, აღმაშენებლის გამზირები და სხვა). მცირე ხნის წინ, წერეთლის გამზ. N118-ში (საგამოფენო ცენტრ „ექსპო-ჯორჯიას“ მიმდებარედ) მშენებარე ობიექტზე განთავსდა მასშტაბური სარეკლამო აბრა წარწერით: „COMING SOON BURGERBAR”. აბრას არ აქვს ქართული შესატყვისი.

ერთის მხრივ, სამწუხაროა, რომ კომპანიები, რომლებსაც სურთ საქართველოში ბიზნეს-საქმიანობა, ასეთ უხეშ უპატივცემულობას გამოხატავენ საქართველოს კანონმდებლობის მიმართ. მწოეწა მზრივ კი, შემაშფოთებელია მერიის ზედამხედველობის სამსახურის უმოქმედობა, რომლიც ვალდებულია კანონდარღვევის აღმოჩენისთანავე მოახდინოს ფაქტზე რეაგირება.

„თავისუფალმა საქართველომ“ უკვე მიმართა თბილისის მერიას რეაგირებისთვის და მიაწოდა იმ ადგილების მისამართები, სადაც კანონდარღვევით არის განთავსებული სარეკლამო აბრები.

მოვუწოდებთ ყველა პირს, ვინც ჩვენ ქვეყანაში ეწევა სამეწარმეო საქმიანობას, პატივი სცეს საქართველოს კანონმდებლობას და ქართულ სახელმწიფოს"- ნათქვამია განცხადებაში.