დამოუკიდებელ მედიაზე შეტევა და საქართველოში მედიის თავისუფლების კუთხით არსებული ვითარება იყო ვენაში, ეუთოს საპარლამენტო ასამბლეის ფარგლებში, ქართული დელეგაციის შეხვედრაზე მთავარი თემა.

ჰარლემ დეზირთან, გამართული მოლაპარაკებების დროს დამოუკიდებელ მედიაზე ზეწოლა საგარეო ურთიერთობათა კომიტეტის თავმჯდომარემ, სოფო ქაცარავამ, უარყო და თქვა, რომ საქართველომ ამ კუთხით პროგრესს მიაღწია.

სქაუბარი შეეხო ასევე სამხრეთ კავკასიის მედია-კონფერენციის საქართველოში გამართვის მნიშვნელობასაც.

„ჩვენი პარტნიორების მხრიდან განსაკუთრებით ხაზი გაესვა და დადებითად შეფასდა საქართველოსა და ეუთოს ინსტიტუტებს შორის თანამშრომლობას და თანამშრომლობის პოზიტიურ დინამიკას და ასევე, ქვეყანაში გატარებულ წარმატებულ რეფორმებსა და პროგრესს,“ - განაცხადა სოფო ქაცარავამ.