"მზად ვართ გამოძიების მხარდასაჭერად" - ევროკავშირის სადამკვირვებლო მისია ტატუნაშვილის გარდაცვალების გარდაცვალების მიზეზების დადგენას ითხოვს

პოლიტიკა - 12:13, 24 Feb, 2018

1244

ცხინვალის ციხეში არჩილ ტატუნაშვილის გარდაცვალების ფაქტს საქართველოში ევროკავშირის სადამკვირვებლო მისია ეხმაურება.

მისიის პრეს-სპიკერმა გამოძიების მხარდაჭერის მზადყოფნა გამოთქვა.

„ევროკავშირის სადამკვირვებლო მისია უსამძიმრებს გარდაცვლილი არჩილ ტატუნაშივლის ოჯახს. სადამკვირვებლო მისია საკუთარი უფლება-მოსილების ფარგლებში ყურადღებით აკვირდება განვითარებულ მოვლენებს. მისიის ცხელი ხაზი კვლავ აქტიურად გამოიყენება ამ სამწუხარო ინციდენტთან დაკავშირებით ინფორმაციის გასაცვლელად. მზად ვართ გამოძიების მხარდასაჭერად ინციდენტების პრევენციისა და მათზე რეაგირების მექანიზმისა და სხვა შესაბამისი ფორმატების ფარგლებში,“ - განაცხადა ევროკავშირის სადამკვირვებლო მისიის პრეს-სპიკერმა დეზ დოილიმ.

ორი დღის წინ, ოკუპირებული ცხინვალის საავადმყოფოში საქართველოს მოქალაქე 1983 წელს დაბადებული არჩილ ტატუნაშვილი გარდაიცვალა. ტატუნაშვილი ერთი დღით ადრე ახალგორში დააკავეს, ტატუნაშვილს დე ფაქტო საგამოძიებო უწყებამ „გენოციდის" ბრალდება წაუყენა. როგორც საოკუპაციო რეჟიმის მედია წერს, ტატუნაშვილი დაკითხვაზე ცხინვალში გადაიყვანეს, სადაც მას აჩვენეს მასალები, რომელიც მის 2008 წლის საბრძოლო მოქმედებებში მონაწილეობას ამტკიცებდა. დეფაქტო ცხინვალი აღიარებს, რომ დროებით იზოლატორში გადაყვანისას ტატუნაშვილის წინააღმდეგ ძალა გამოიყენეს, რის გამოც მან მნიშვნელოვანი ტრამვები მიიღო და მიღებული დაზიანებების გამო საავადმყოფოში გარდაიცვალა.

არჩილ ტატუნაშვილი მსახურობდა ავღანეთსა და ერაყში, იგი ასევე იბრძოდა რუსეთის წინააღმდეგ 2008 წლის აგვისტოს ომში.