საქართველოს პრეზიდენტი გიორგი მარგველაშიბი სხვადასხვა მედიასაშუალებების ირგვლივ მიმდინარე მოვლენებს გამოეხმაურა, მათ შორის ტელეკომპანია „იბერიას“ საქმეს. პრეზიდენტის თქმით, იგი, როგორც კონსტიტუციის გარანტი, ყველაფერს გააკეთებს იმისთვის, რომ მედია ქვეყანაში იყოს დამოუკიდებელი:

„ნებისმიერი მაუწყებლობისთვის ჩემი კარი ღია იყო ყოველთვის და ასე გაგრძელდება მომავალშიც. საქართველოში მედია არის შემდგარი მეოთხე ხელისუფლება. ნებისმიერი შეტევა მეოთხე ხელისუფლებაზე გულისხმობს რეალურად საქართველოში პოლიტიკური კონსტიტუციური სტაბილურობის დემოკრატიული საფუძვლების შერყევას. აქედან გამომდინარე, როგორც სხვა ტელევიზიებთან მიმართებაში, ასევე „იბერიასთან“ მიმართებაში ყოველთვის ვიქნები განსაკუთრებით ყურადღებით,“-განაცხადა გიორგი მარგველაშვილმა.