„მმართველ პარტიას აქვს განცდა, თუ გადააგორა კრიზისი, ორ კვირაში დაავიწყდება ყველას პრობლემა“

„მმართველ პარტიას აქვს განცდა, თუ გადააგორა კრიზისი, ორ კვირაში დაავიწყდება ყველას პრობლემა“ - გიორგი მარგველაშვილი

პოლიტიკა - 17:52, 23 Feb, 2018

1246

საქართველოს პრეზიდენტი გიორგი მარგველაშვილი აშშ-ის ელჩის განცხადებას ეხმაურება:

„იყო არაერთი განცხადება ჩვენი საერთაშორისო პარტნიორებისგან, განცხადებები, რომლებიც ყურადსაღებია. უბრალოდ პოლიტიკური გამოუცდელობიდან გამომდინარე, მმართველ პარტიას აქვს ხოლმე განცდა, რომ თუ გადააგორა კრიზისი, ორ კვირაში დაავიწყდება ყველას ეს პრობლემა, თუ რაღაცნაირად სკანდალი მიავიწყებინა საზოგადოებას, ყველას ეს ავიწყდება. თუ შეცდომა რაიმენაირად დალაგდა აქ საქართველოში, რომ ამის თაობაზე ყველა ივიწყებს, ასე არ არის. ის შეცდომები , რასაც ჩვენ ვუშვებთ დემოკრატიასთან მიმართებით, რაზეც ვსაუბრობდით მთელი წინა წელი, რაც გამოიხატება, როგორც ხელისუფლების ზედმეტ კონსოლიდაციაში , ისე დემოკრატიული ინსტიტუტების შესუსტებაში, ისე ინსტიტუციური სტაბილურობის შესუსტებაში, ეს ყველაფერი არსად არ იკარგება. კიდევ ერთხელ მოგიწოდებთ, არ გეგონოთ, რომ ეს ყველაფერი გადაივლის ერთ და ორ კვირაში და გადააგორებთ რაიმე სხვა თემით, ყურადღება მიაქციეთ ამ განცხადებებს“, - აღნიშნავს პრეზიდემტი.