სტამბოლში, ათაშეჰირის რაიონში ქართველი ემიგრანტი ქალის ცხედარი აღმოჩინეს, 50 წლის მაიკო ძიძიგურის ცხედარი აბაზანის კარებთან ნახევრადშიშველ მდგომარეობაში შვილის მეგობარმა იპოვა, რომელმაც მაიკო ძიძიგურს მას შემდეგ მიაკითხა სახლში, რაც მისი შვილი დაუკავშირდა საქართველოდან და უთხრა, რომ დედამისი 3 დღის განმავლობაში კავშირზე არ გამოდიოდა.

თურქული მედიის ცნობით, ცხედარი ექსპერტიზაზეა გადასვენებული, ადგილზე საგამოძიებო ჯგუფები მუშაობენ. სიკვდილის მიზეზი ჯერჯერობით დაუდგენელია, თუმცა სამართალდამცავები არ გამორიცხავენ, რომ მაიკო ძიძიგური შესაძლოა ძალადობის მსხვერპლი გახდა.