Washington Post: "ისლამური სახელმწიფოს" დაცემის შემდეგ სად მიდიან ISIS მებრძოლები?

Washington Post: "ისლამური სახელმწიფოს" დაცემის შემდეგ სად მიდიან ISIS მებრძოლები? - საქართველოში 50 ადამიანი დაბრუნდა

პოლიტიკა - 14:04, 23 Feb, 2018

1788

Washington Post იმ პრობლემებზე წერს , რომელიც შესაძლოა "ისლამური სახელმწიფოს" პოზიციების შესუსტების შემდეგ, ISIS წევრების სამშობლოში დაბრუნებამ შექმნას. სტატიაში საუბარია ანგარიშზე, რომელიც Soufan Center-მა და Global Strategy Network-მა მოამზადეს. ანგარიშში საუბარია იმ მებრძოლების რაოდენობაზე, რომლებიც ISIS-ის რიგებში ბრძოლის შემდეგ საკუთარ ქვეყნებს დაუბრუნდნენ

„ახლა როდესაც „ისლამური სახელმწიფიფო თავის უკანასკნელ წერტილებს თმობს სირიის ტერიტორიაზე, მსოფლიო ახალი პრობლემის წინაშე დგება: „ისლამური სახელმწიფოს“ 40 ათასი მხარდამჭერიდან, რომლებიც ერაყში და სირიაში საბრძოლველად გაემგზავნენ ნასილი სახლში ბრუნდება. Soufan Center-ისა და Global Strategy Network-ის კვლევის თანახმად, გამოვლინდა 5600 მებრძოლი, რომლებიც მშობლიურ ქვეყნებს დაუბრუნდნენ.

ამ ქვეყნებს ჯერ ვერ გაურკვევიათ, როგორ მოექცნენ დაბრუნებულ რეპატრიანტებს. ბევრი მათგანი დაპატიმრებულია, ზოგს კი შესაძლოა, რეაბილიტაცია ჩაუტარდეს. ეს სარეაბილიტაციო პროგრამები რთული შესამუშავებელი და ასამოქმედებელია. იმ ქალების და სირიაში და ერაყში ბრძოლის დროს დაბადებული ბავშვების დაბრუნება, რეინტეგრაციას სხვა პრობლემებსაც უქმნის.

მართალია დაბრუნებულ მებრძოლებს პირდაპირი პასუხისმგებლობა არ ეკისრებათ ნებისმიერ ტერაქტსა თუ საფრთხეზე, მაგრამ ისინი შესაძლოა შთაგონების წყარო გა ხდნენ მათთვის ვინც რადიკალიზაციის გზას ადგანან ან უკვე რადიკალთა რიგებში არიან.

ყველაზე მეტი, 900 მებრძოლი დაბრუნდა თურქეთში , საიდანაც 2014-2017 წლებში სირიაში და ერაყში საბრძოლველად 1500 ადამიანი იყო წასული. საუდის არაბეთიდან წასული 3000 მებრძოლიდან შინ 760 დაბრუნდა. 1200 მებრძოლი დაბრუნდა ევროპაში: 400 დიდ ბრიტანეთში, 271 საფრანგეთში, 300 გერმანიაში. რუსეთის 3400 მოქალაქიდან დაბრუნდა 400. დაბრუნებული მებრძოლების მიხედვით მნიშვნელოვანია ჩრდილოეთ აფრიკის რეგიონი, ტუნისში 800 , ხოლო მაროკოში 200 მებრძოლი დაბრუნდა.

ანგარიშის მიხედვით 7 მებრძოლი დაბრუნდა ამერიკის შეერთებულ შტატებში. ISIS-თან შეერთების მცდელობა 250-ზე მეტ ამერიკელს ქონდა, თუმცა საბრძოლო მოქმედებებისთვის ერაყში და სირიაში ჩასვლა 129 ადამიანმა შეძლო. 2017 წლის აგვისტოს მდგომარეობით შეერთებულმა შტატებმა ტერორიზთან კავშირში ეჭვმიტანილად 135 ადამიანი სცნო, 77 მათგანი კი გაასამართლა.“- ნათქვამია Washington Post-ის სტატიაში.

ანგარიშის მიხედვით, ISIS რიგებში საქართველოდან 200-ზე მეტი ადამიანია წასული, მათგან დაახლოებით 50 სამშობლოში დაბრუნდა.