"მოიკითხოს ბატონმა პრემიერმა სხვა მოსამართლეების ბიოგრაფიებიც" - არასამთავრობოები კვირიკაშვილის განცხადებას გაუგებარს უწოდებებ

პოლიტიკა - 10:10, 23 Feb, 2018

1435

საქართველოს პრემიერ-მინისტრის მიერ გამოქვეყნებულ განცხადებას, რომელიც იუსტიციის უმაღლესი საბჭოს მიერ მოსამართლეთა უვადოდ დანიშვნას ეხება. სამოქალაქო სექტორი გაუგებარს უწოდებს.

არასამთავრობოები აღნიშნავენ, რომ პრემიერის მიერ დასახელებული მოსამართლე არ არის ერთადერთი, რომლის მუშაობაც სერიოზულ კითხვის ნიშნებს აჩენს.

„დამაბნეველია პრემიერის განცხადება, იმიტომ, რომ ეს კონკრეტული მოსამართლე არ არის პირველ, რომლის განხილული საქმეებიც იწვევდა გარკვეულ კითხვის ნიშნებს. რამდენიმე მოსამართლე უკვე დაინიშნა სისტემაში, რომელთა რეპუტაცია და პროფესიული საქმიანობა მნიშვნელოვან კითხვის ნიშნებს აჩენდა საზოგადოებაში და მაშინ ხელისუფლება ყოველთვის იძახდა, რომ ისინი ვერ ჩაერევიან სასამართლო სისტემაში და მათ შორის იუსტიციის უმაღლესი საბჭოს საქმიანობაში,“-აცხადებს IDFI-ის წარმომადგენელი გიორგი ბერაია.

"სართაშორისო გამჭვირვალობის აღმასრულებელი დირექტორი ეკა გიგაური აცხადებს, რომ „ქართულ ოცნებას“ ხელისუფლებაში მოსვლის პერიოდში, ჰქონდა უნიკალური შანსი სიღრმისეული რეფორმები ჩაეტარებინათ სასამართლო სისტემაში დარჩენილიყვნენ მხოლოდ ღირსეული მოსამართლეები

,,ეს შანსი მათ არ გამოიყენეს და დღეს მიუხედავად იმისა, რომ სამი ტალღაა რეფორმის ჩასტარებული, ჩვენ შედეგი არ გვაქვს და ეს განცხადება არის ნამდვილად დაგვიანებული. მოიკითხოს ბატონმა პრემიერმა სხვა მოსამართლეებიც, რომლებიც უვადოდ დაინიშნენ და დარწმუნებული ვარ ნახავს, რომ მათი ბიოგრაფიებიც არ არის კარგი,“- აცხადებს ეკა გიგაური.