„აღმასრულებელმა ხელისუფლებამ არ უნდა გამოიყენოს სასამართლო სისტემა ოპონენტების საწინააღმდეგო იარაღად, ან თავისუფალი სიტყვის ჩასახშობად“ -იან კელი

პოლიტიკა - 17:30, 22 Feb, 2018

901

„კიდევ ერთი საკითხი, რომელიც მაფიქრებს, არის ძლიერი ინსტიტუტების არსებობის აუცილებლობა და ხელისუფლების შტოებს შორის დემოკრატიული კონტროლისა და ურთიერთგაწონასწორების მექანიზმი“ - ამის შესახებ იან კელიმ თავის გამოსამშვიდობებელ სიტყვაში განაცხადა.

იან კელი განსაკუთრებულ ყურადღებას ამახვილებს სასამართლო სისტემაზე და ამბობს, რომ თავისუფალი და მიუკერძოებელი სასამართლო სისტემა მნიშვნელოვანი ფაქტორია ინვესტიციების მოზიდვის კუთხით. ელჩი ამავე კონტექსტში ამერიკული კომპანიების მიერ გამოთქმულ წუხილს იხსენებს.

„იყო რამოდენიმე შემთხევა უახლოეს წარსულში, როდესაც ამერიკულმა კომპანიებმა გამოთქვეს წუხილი იმასთან დაკავშირებით, რომ მათ მიმართ არ ხორციელდებოდა სამართლიანი მოპყრობა სასამართლოებში. მიუკერძოებელი სასამართლო სისტემა, რომელიც თავისუფალია გარეშე ზეგავლენისაგან, არის უმნიშვნელოვანესი უცხოური ინვესტიციების მოზიდვისათვის, რაც ესოდენ აუცილებელია საქართველოს ეკონომიკური პოტენციალის განვითარებისათვის.

ასევე, აუცილებელია ქართველ ხალხს ჰქონდეს ნდობა მართლმსაჯულების მიმართ და იცოდეს, რომ მის უფლებებს დაიცავენ არა ცარიელი სიტყვით, არამედ საქმით. აღმასრულებელმა ხელისუფლებამ არ უნდა გამოიყენოს სასამართლო სისტემა ოპონენტების საწინააღმდეგო იარაღად, ან თავისუფალი სიტყვის ჩასახშობად. მმართველ პარტიაზეა დამოკიდებული, როგორ გამოავლენს თავშეკავებას, რომ არ გადაამეტოს საკუთარ უფლებებს, დაეხმაროს საზოგადოებას განხეთქილების დაძლევაში და შეაჩეროს წარსულ შეცდომებზე დავის განახლება“ - განაცხადა იან კელიმ.