ერთი და იმავე სქესის მქონე წყვილები სამართლებრივი აღიარების გარეშე რჩებიან - Amnesty International საქართველოს კონსტიტუციაში გაკეთებულ ჩანაწერს ეხმაურება

პოლიტიკა - 11:47, 22 Feb, 2018

1036

Amnesty International-ის ანგარიშში საქართველოში ლგბტ თემის ადამიანების უფლებების შეზღუდვაც მოხვდა. ორგანიზაცია ყურადღებას ამახვილებს ქორწინების შესახებ საქართველოს კონსტიტუციაში გაკეთებულ ჩანაწერზე და აცხადებს, რომ ამის გამო ერთი და იმავე სქესის მქონე წყვილები ყოველგვარი სამართლებრივი აღიარების გარეშე რჩებიან. ანგარიშში მოყვანილია ბათუმში მომხდარი ძალადობრივი ფაქტიც.

„ახალი კონსტიტუციით, ქორწინების შესახებ მუხლს, რომელიც ადგენს, რომ „ქორწინება ემყარება მეუღლეთა უფლებრივ თანასწორობასა და ნებაყოფლობას“, ქორწინების განმარტება დაემატა, რომელიც განისაზღვრა, როგორც „ქალისა და მამაკაცის კავშირი“. ერთი და იმავე სქესის მქონე წყვილები ყოველგვარი სამართლებრივი აღიარების გარეშე რჩებიან. 25 აგვისტოს, ქვეყნის სიდიდით მეორე ქალაქ ბათუმში, ერთ-ერთ კლუბში მომხდარი ძალადობრივი ინციდენტის შემდეგ, პოლიციამ ორი ლგბტი აქტივისტი დააკავა. აქტივისტებმა მათ მიმართ ძალადობა და „წვრილმანი ხულიგნობისა“ და „პოლიციის კანონიერი მოთხოვნისადმი დაუმორჩილებლობის“ საფუძვლით მათი დაკავება გააპროტესტეს. აქტივისტების განცხადებით, პოლიციელებმა მათ ფიზიკური და სიტყვიერი შეურაცხყოფა მიაყენეს. აგვისტოში, აქტივისტების საჩივრის საფუძველზე გამოძიება დაიწყო, რომელიც წლის ბოლოს ჯერ კიდევ არ იყო დასრულებული,“- აღნიშნულია ანგარიშში.