თბილისში შესაძლოა ბიბილიოთეკების დიდი ნაწილი დაიხუროს

პოლიტიკა - 10:11, 22 Feb, 2018

1106

თბილისში რამდენიმე ბიბლიოთეკის დახურვა იგეგმება, ბიბლიოთეკების თანამშრომლების ინფორმაციით დედაქალაქის მთავრობა ქალაქში არსებული 36 ბიბლიოთეკიდან 13 ის დატოვებას აპირებს. ისინი ეჭვობენ რომ ბიბლიოთეკების გაუქმების მთავარი მოტივი იმ ფართების გამოთავისუფლებაა, რომელშიც ბიბლიოთეკები არიან განთავსებულნი. საუბარია ბიბლიოთეკის თანამშრომლების ტესტირებაზეც, ბიბლიოთეკარების მტკიცებით, იმ ტესტების ჩაბარებას, რომელსაც მერია ჩაატარებს უმრავლესობა ვერ შეძლებს, რასაც მათი სამუშაო ადგილები შეეწირება.

თბილისის საკრებულოს ფრაქცია „ერთიანი ნციონალური მოძრაობის“ წევრის მარიკა დათუკიშვილის თქმით ამ ცვლილებებით თბილისის მერია ბიბლიოთეკაში მომუშავე ადამიანების ნახევარს უმუშევარს ტოვებს:

„ეს არის კატასტროფა ამ ადამიანებს უშვებენ ქუჩაში. გარდა იმისა რომ ეს ადამიანები უმუშევრები რჩებიან. აუქმებენ კულტურის და საგანმანათლებლო ცენტრებს.

თბილისის მერის განცხადებით, თბილისის მასშტაბით არსებული ბიბლიოთეკების არა დახურვა, არამედ მოდერნიზაცია იგეგმება.

"გვჭირდება კვალიფიციური კადრები. მათ აუცილებლად მოუწევთ ტესტირება. თითოეული თანამშრომელი გადამზადდება ერთი თვის მანძილზე. ერთი თვის შემდეგ მოხდება ტესტირება. ვინც გადალახავს ტესტირებას აბსოლუტურად ყველა თანამშრომელი მოხვდება ახალ აიპიში“- განაცხადა თბილისის მერის მოადგილე სოფიო ხუნწარიამ.