"იქნება ორი მიზეზი, ერთი - სრული უუნარობა და მეორე - რაღაც გამიზნული ქმედება"- ჩხეიძე "იბერიას" გარშემო განვითარებულ პროცესებს ეხმაურება

პოლიტიკა - 18:19, 21 Feb, 2018

1319

ტელეკომპანია „იბერიას“ გარშემო განვითარებულ პროცესებს ტელეკომპანიის მფლობელის მეუღლე, პარლამენტის დეპუტატი ნატო ჩხეიძე ეხმაურება.

„ის რაც 2004 წელში მოხდა, ნიღბებით და ავტომატებით შემოჭრა ტელეკომპანიაში ეს არ მომხდარა და როცა ვთქვი რომ არ მომხდარა-მეთქი, მე ვგულისხმობდი ასეთ პირდაპირ ზემოქმედებას და ძალმომრეობას. ახლა ხდება ის რომ ქვეყანაში არის უკანონო, არალეგალური ბიზნესსაქმიანობა, მულტინაციონალური ფირმების და მცირე საწარმოების მხრიდან. ეს არალაგალური საქმიანობა აზარალებს ომეგა ჯგუფის ერთ-ერთ კომპანიას და ამის საქმის კურსში არიან პარლამენტიც, მთავრობაც და სასამართლოც. ჩვენ ველოდებით, რომ ეს უნდა აღიკვეთოს, იმიტომ რომ ეს გრძელდება კიდევ. თუ არ აღიკვეთება და არ მიექცევა სათანადო ყურადღება, იქნება ორი მიზეზი, ერთი - სრული უუნარობა და მეორე - რაღაც გამიზნული ქმედება. როგორც ჩანს ტელეკომპანიის ჟურნალისტებმა გაანალიზეს და გაიაზრეს ის ვითარება რაც შექმნილია და როგორც ჩანს, მათ უფრო სწრაფად და სწორედ გაანალიზეს, თუ სხვებმა არა და გამოიტანეს ის დასკვნა რაც გამოიტანეს.“- განაცხადა მატო ჩხეიძემ.