,,ომეგა ჯგუფის" გენერალური დირექტორი პრემიერის განცხადებას ,,სასაცილოს და აბსურდს" უწოდებს

პოლიტიკა - 15:14, 21 Feb, 2018

1357

ტელეკომპანია „იბერიას“ ირგვლივ მიმდინარე მოვლენები - „ომეგა ჯგუფის“ გენერალური დირექტორი ლევან აღდგომელაშვილი საქართველოს პრემიერ-მინისტრის განცხადებას პასუხობს.

დღეს გიორგი კვირიკაშვილმა განაცხადა, რომ აბსურდია ბრალდებები, რომელიც ხელისუფლების მხრიდან მედიაზე ზეწოლასთან მიმართებით ისმის:

„მედიაზე თავდასხმა, ავტომატიანები არ დარბიან ჯერ აქ როგორც 2004 წელს დარბოდნენ, თუ ეს იგულისხმა, სავარაუდოდ ეს იგულისხმა, თუმცა, რა თქმა უნდა ასებობს ფინანსური პრობლემები, რომლის წინაშეც აღმოჩენილია „ომეგა ჯგუფის“ კომპანიები, „ომეგა ჯგუფში“ შემავალი კომპანიები არიან ძირითადი რეკლამის დამკვეთები და დამფინანსებლები ტელეკომპანია „იბერიის“, შესაბამისად ტელეკომპანია „იბერიის“ ფინანსური მდგომარეობისთვის ეს ცალსახად ისახება „ომეგა ჯგუფის“ სხვა კომპანიებში არსებული ფინანსური პრობლემები. სასაცილოა, რომ „ომეგა ჯგუფი“, რომელსაც ფინანსური პრობლემები ექმნება იმის გამო, რომ არ სრულდება კანონი, აშანტაჟებს თურმე ხელისუფლებას, ეს აბსურდია, რაში გამოიხატება შანტაჟი წარმოდგენა არ მაქვს“, - აღნიშნავს „ომეგა ჯგუფის“ გენერალური დირექტორი ლევან აღდგომელაშვილი.