„ნაციონალური მოძრაობა“ შს მინისტრს პარლამენტში იბარებს

პოლიტიკა - 15:18, 20 Feb, 2018

1027

„ერთიანი ნაციონალური მოძრაობა“ საქართველოს შინაგან საქმეთა მინისტრს გიორგი გახარიას პარლამენტში იბარებს. ამის შესახებ დაზვერვის სამსახურის ხელმძღვანელის მოხსენების მოსმენის შემდეგ განცხადება სალომე სამადაშვილმა გააკეთა.

დავით სუჯაშვილი დღეს დილიდან სამი კომიტეტის კომიტეტის შეკითხვებს პასუხობდა.

„რამდენადაც სხდომა დახურული იყო, მე არ ვარ უფლებამოსილი ვისაუბრო სხდომის დეტალებზე, შეხვედრა იყო სასარგებლო, იმის მოსასმენად, თუ როგორ აფასებს დაზვერვის სამსახური დღეს ამ ქვეყნის წინაშე მდგარ ამოცანებს, მაგრამ პირველ რიგში, აუცილებელია ჩვენ უახლოეს დღეებში საქართველოს პარლამენტში მოვიწვიოთ ის თანამდებობის პირები, რომლებიც პასუხისმგებელნი არიან ამ საფრთხეების განეიტრალებაზე და პირველ რიგში მინდა განვაცხადო, რომ თუ ჩვენ რეალურად ვაპირებთ, რომ პარლამენტში ვიმსჯელოთ ქვეყნის წინაშე მდგარი გამოწვევების შესახებ, პარლამენტში უახლოეს დღეებში უნდა მობრძანდეს შინაგან საქმეთა მინისტრი, ბატონი გახარია. მე დღეს ამ შეხვედრაზე ვერ მოვისმინე მთავარი რამ, რაც მაინტერესებდა და ეს არის ის, თუ რამდენად უმკლავდება საქართველოს სახელმწიფო იმ გამოწვევებს, რომელიც დღეს არსებობს“, - აცხადებს სალომე სამადაშვილი.