„ოპოზიცია დემოკრატიის აუცილებელი კომპონენტია, მჯერა, საქართველო მზად არის ამისთვის“ - იან კელი აშშ-ის დაზვერვის ანგარიშს ეთანხმება

პოლიტიკა - 13:12, 20 Feb, 2018

1127

აშშ-ის ნაციონალური დაზვერვის დირექტორის დენიელ კოუტსის განცხადებას საქართველოს ოკუყპაციასა და შიდა საფრტხეებთამ დაკავშირებით აშშ-ის ელჩი სიან კელი ეხმაურება.

„დავეთანხმები დაზვერვის ხელმძღვანელის განცხადებას საქართველოს ტერიტორიის ოკუპაციასთან დაკავშირებით.

საქართველოს ტერიტორიის 20% არის ოკუპირებული და ეს არის ერთ-ერთი საფრთხე, რომელიც ქმნის დესტაბილიზაციის საფრთხეს საქართველოში. მიუხედავად იმისა, რომ რუსეთმა მოაწერა ხელი სხვადასხვა შეთანხმებებს იმასთან დაკავშირებით, რომ ჯარები უნდა გაეყვანა საქართველოს ტერიტორიიდან, უკვე 10 წელი გავიდა კონფლიქტის შემდგომ და მისი ჯარები კვლავ საქართველოს ტერიტორიაზე იმყოფებიან.

ჩვენი პოზიცია და დამოკიდებულება ამასთან დაკავშირებით არის თანმიმდევრული და ჩვენ მხარს ვუჭერთ საქართველოს სუვერენიტეტს და დამოუკიდებლობას მის საერთაშორისოდ აღიარებულ საზღვრებში.

რაც შეეხება მეორე საკითხს ამ განცხადებისა, მნიშვნელოვანია გავიაზროთ, რომ ნებისმიერი დემოკრატიისთვის ძლიერი ოპოზიცია არის აუცილებელი კომპონენტი.

ოპოზიციას უნდა ჰქონდეს უფლება, რომ გამოხატოს თავისი მოსაზრება და იყოს თავისუფალი მონაწილე ქვეყნის პოლიტიკური ცხოვრებისა. შესაბამისად, მე მჯერა, რომ საქართველო მზად არის ამისთვის.

არსებობს და უნდა არსებობდეს პოლიტიკური სურვილი რეფორმების გაგრძელების და პლურალისტული გარემოს შექმნის, სადაც ყველა ძალას ექნება მოსაზრების გამოთქმის საშუალება“, – განაცხადა იან კელიმ.

აშშ-ის ნაციონალური დაზვერვის დირექტორის ანგარიშშიგლობალური საფრთხეების შესახებ საქართველოზეც არის საუბარი.

ანგარიშის თანახმად, 2018 წელს საქართველოსთვის მთავარ საფრთხედ კვლავ რუსეთის მხრიდან რეგიონების ოკუპაცია და დასავლური ინტეგრაციისთვის ძირის გამოთხრაა.

საქართველოს ნაწილში აქვე საუბარია მმართველ პარტიაზეც:

,,მმართველი, „ქართული ოცნება“ სავარაუდოდ, ეცდება ოპოზიციის ჩიხში მოქცევას და ძალაუფლების ინსტიტუციური შეზღუდვების შემცირებას" - ნათქვამია ანგარიშში.