"ვინც შეეცდება პანკისელების მიმართ გააღვივოს უარყოფითი, ის იქნება ჩვენი საერთო მტერი"

"ვინც შეეცდება პანკისელების მიმართ გააღვივოს უარყოფითი, ის იქნება ჩვენი საერთო მტერი" - პრეზიდენტი

პოლიტიკა - 13:29, 20 Feb, 2018

945

საქართველოს პრეზიდენტმა თელავის უნივერსიტეტის სტუდენტებთან შეხვედრისას პანკისელ ახალგაზრდებს დისკუსიაში მონაწილეობისთვის მადლობა გადაუხადა და თქვა, რომ მათგან განსაკუთრებული იდები მოდის.
ქვეყნის პირველი პირი, დუისში ჩატარებულ სპეცოპერაციასაც შეეხო და აღნიშნა, რომ ამ საქმის ირგვლივ კითხვების არსებობა ბუნებრივია.

"მიხარია, რომ აქ ხართ, მიხარია, რომ ესწრებით ჩემს შეხვედრას, მიხარია, რომ აქ სწავლობთ, თუ გახსოვთ, პანკისში ჩამოსული ვარ არაერთხელ, არაერთ პროექტს ვახორციელებთ თვენთან, რომელიც უკავშირდება განსაკუტრებით თქვენხელა ადამაინების, ახალგაზრდობის ჩართვას უფრო აქტიურად საზოგადოებრივ - პოლიტიკურ ცხოვრებაში, სპორტში და მე მიხარია, რომ ასეთი ურთიერთობა ჩამოყალიბდა ჩვენს პროექტის ინიციატორებსა და ჩვენს შორის, რომ ძალიან კარგი იდეები მოდის ხოლმე თვენგან.

ბუნებრივია, თქვენ კითხვას სვამთ იმ ტკივილთან დაკავშირებით, რომელიც უკავშირდება ცოტახნის წინ ჩატარებულ სპეცოპერაციას. როდესაც იღუპება ახალგაზრდა, ეს თავისთავად ძალიან მტკივნეულია და დიდი დანაკარგია, როგორც ოჯახისთვის, ასევე მთლიანად საზოგადოებისთვის. მე არ დავიწყებ იმის განხილვას, რამდენად სწორად... გამოძიების დეტალებში არ შევალ, მე ერთადერთი მინდა გითხრათ და ამის თაობაზე არაერთხელ მითქვამს, რომ განსაკუთრებული დამოკიდებულება მაქვს მეც და პრინციპში საქართველოს, ქართულ საზოგადოებას პანკისთან. სიყვარული, პატივისცემა, თქვენ ეს უნდა იგრძნოთ და ნებისმიერი ვინმე, ვინც ისაუბრებს იმის თაობაზე, თითქოს ეს ასე არ არის, ვინც შეეცდება, რომ რამენაირად გააღვივოს უარყოფითი, იქნება ნამდვილად მტერი, ყველასი, ჩვენი საერთო მტერი. იმიტომ რომ ჩვენ გვიყვარს ერთმანეთი, თვენ ხართ საქართველოს მოქალაქე, ჩვენ პატივს ვცემთ თქვენს ტრადიციებს, ჩვენ პატივს ვცემთ თქვენს საზოგადოებას, თვენს ყოფის წესს, ჩვენ მიგვაჩნია, რომ ჩვენ ერთად ვაშენებთ ძლიერ , თავისუფალ საქართველოს და ტკივილმა და ტრაგედიამ არ უნდა დაარღვიოს მთავარი, რაც გულისხმობს იმას, რომ ჩვენ ერთად უნდა გადავიტანოთ ტკივილიც და ერთად გვიხაროდეს წარმატებაც"- აღნიშნა ქვეყნის პირვალმა პირმა.