საპარლამენტო უმცირესობა აფგან მუხთარლის საქმესთან დაკავშირებით არასამთავრობო სექტორს შეხვდება

პოლიტიკა - 10:43, 20 Feb, 2018

794

აფგან მუხთარლის საქმესთან დაკავშირებით საპარლამენტო უმცირესობა არასამთავრობო სექტორთან შეხვედრას გეგმავს. ისინი აზერბაიჯანელი ჟურნალისტის გატაცების საქმეზე საგამოძიებო კომისიის შექმნას ითხოვენ:

"კონსტიტუციის 42-ე მუხლის" აღმასრულებელი დირექტორის ნათია კაციტაძის თქმით, მათ იმედი აქვთ რომ მმართველ გუნდს საგამოძიებო კომისიის შექმნის აუცილებლობაში დაარწმუნებენ:

„გვაქვს იმის იმედი, რომ დავარწმუნებთ მმართველ გუნდს, საგამოძიებო კომისიის შექმნის აუცილებლობის შესახებ. როცა უკვე გამოძიება რაიმე აქტიურ პროგრესს საქმესთან დაკავშირებით არ აჩვენებს, უნდა შეიქმნას საგამოძიებო კომისია. ასევე ვხდებით საპარლამენტო უმცირესობასაც და გვინდა რომ მოვისმინოთ მათი გეგმების შესახებაც, ასევე ჩვენ ხედვა გავუზიაროთ,“-განაცხადა ნათია კაციტაძემ.

„ევროპული საქართველოს“ წევრის ელენე ხოშტარიას თქმით აფგან მუხთარლის საქმე არა პარტიული არამედ ღირსების საკითხია:

„კარგი იქნებოდა „ქართული ოცნებაც“ შეხვდეს არასამთავრობო ორგანიზაციებს, იმიტომ, რომ ეს არ არის პარტიული საკითხი, ეს არის ჩვენი ღირსების საკითხი.“-განაცხადა ელენე ხოშტარიამ.

თავად აფგან მუხთარლი მის გარშემო განვითარებულ მოვლენებს და საქართველოდან აზერბაიჯანში გატაცებას, ილჰამ ალიევს, გიორგი კვირიკაშვილსა და ბიძინა ივანიშვილს უკავშირებს.