"გრძელდება დაშანტაჟება - დაშინება "- თამარ კეკენაძე "TV პირველზე"განხორციელებულ შესაძლო ზეწოლაზე

პოლიტიკა - 15:59, 19 Feb, 2018

1206

მოქმედი და ყოფილი მაღალჩინოსნების მხრიდან „TV პირველზე“ განხორციელებული ზეწოლის შესახებ გავრცელებულ ინფორმაციას პარტია ,,თავისუფალი დემოკრატების“ გენერალური მდივანი, თამარ კეკენაძე ეხმაურება.
მისი შეფასებით, "ოცნების ხელისუფლება არ გაჩერდება და ბოლომდე ეცდება ყველა ბერკეტის გამოყენებას მედია ბაზრის სრული კონტროლისთვის".

"მედია საქმიანობაში ჩარევა არის ძალიან მკაფიო სიგნალი ხელისუფლებისგან თვითოეული მოქალაქის მიმართ, რომ ის აპირებს გამოიყენოს ყველა მეთოდი იმისათვის, რათა შეინარჩუნოს ხელისუფლება.

ჩვენთვის დიდი ხანია ნათელია ხელისუფლების სრუვილი სრულად გააკონტროლოს მედია სივრცე. ის, რაც ხდებოდა და ხდება "რუსთავი 2" -ის და საზოგადოებრივი მაუწყებლის გარშემო, დღეს უკვე ყველაზე სკეპტიკურ ადამიანსაც კი აძლევს საფუძველს დაიჯეროს, რომ ახლა უკვე დადგა ტვ პირველის ჯერი და ხელისუფლება ეცდება ჩაერიოს ტვ პირველის სარედაქციო პოლიტიკაში.

"ტვ. პირველს" ჰყავს ძალიან მაღალი დონის ჟურნალისტები და დარწმუნებული ვარ სანამ ეს ადამიანები რჩებიან არხზე, სარედაქციო პოლიტიკის დამოუკიდებლობა გარატირებული იქნება.

"ტვ. პირველის" დამფუძნებელზე ზეწოლის ფაქტმა ასევე დაგვანახა რომ ქვეყანაში ბიზნესის კეთების თავისუფლება არის მითი და ისევ გრძელდება ბიზნესის დაშანტაჟება - დაშინება.

ეს საქმე არ ეხება მარტო ერთ მედია საშუალებას და ერთ კონკრეტულ ბიზნესმენს, მედიის საქმიანობაში ჩარევა არის ძალიან მკაფიო გზავნილი ხელისუფლებისგან თვითოეული მოქალაქის მიმართ, რომ ის აპირებს გამოიყენოს ყველა მეთოდი ხელისუფლების შესანარჩნებლად"- თქვა კეკენაძემ.