დემირელის კოლეჯის მენეჯერის მუსტაფა ემრე ჩაბუქის გირაოს სანაცვლოდ გათავისუფლების გადაწყვეტილებას საქართველოს პარლამენტის თავმჯდომარე ირაკლი კობახიძე ეხმაურება. კობახიძე აღნიშნავს, რომ იგი სასამართლოს გადაწყვეტილებას პატივს სცემს:

“ეს იყო სასამართლოს მიერ მისაღები გადაწყვეტილება და საქართველოში სასამართლომ ეს გადაწყვეტილება მიიღო, ბუნებრივია, ჩვენ პატივს ვცემთ ამას. რაც შეეხება საერთაშორისო პოზიციებს და ჩვენ პარტნიორებთან ურთიერთობას, ვფიქრობ, ჩვენ გვაქვს იმის რესურსი, ყველა პირობებში დავალაგოთ ურთიერთობები ჩვენს სტრატეგიულ პარტნიორებთან. თურქეთი არის ჩვენთვის სტრატეგიული პარტნიორი და ჩვენი მეგობრული ურთიერთობა აუცილებლად გაგრძელდება“, – განაცხადა ირაკლი კობახიძემ.