საქართველოს პრეზიდენტი და პრემიერი ირანში მომხდარ ავიაკატასტროფას ეხმაურებიან , რომელსაც 66 ადამიანი ემსხვერპლა. გიორგი მარგველაშვილი ირანის ხელისუფლებას და ხალხს უსამძიმებს და თანადგომას უცხადებს:

„ღრმა მწუხარებას გამოვთქვამ ირანში მომხდარი ავიაკატასტროფის გამო, რომელსაც ადამიანთა მსხვერპლი მოჰყვა. ქართველი ხალხისა და პირადად ჩემი სახელით ვუსამძიმრებ დაღუპულთა ოჯახებს და თანაგრძნობას ვუცხადებ ირანის მთავრობასა და ირანელ ხალხს.“- ნათქვამია პრეზიდენტის მიმართვაში.

მომხდარი ტრაგედიის გამო მწუხარებას გამოთქვამს საქართველოს პრემიერიც:

„უდიდეს მწუხარებას გამოვთქვამ ირანში მომხდარი ავიაკატასტროფის გამო, რომელსაც 66 ადამიანის სიცოცხლე ემსხვერპლა. საქართველოს მთავრობის სახელით სამძიმარს ვუცხადებ დაღუპულთა ოჯახებს და ახლობლებს, ირანის ხელისუფლებას და ირანელ ხალხს. ამ მძიმე წუთებში ჩვენ მათ გვერდით ვართ.“- აღნიშნულია გიორგი კვირიკაშვილის სამძიმრის წერილში.