მიუნხენში საერთაშორისო უსაფრთხოების კონფერენცია გაიხსნა, სამდღიან ფორუმს 30 სახელმწიფო მეთაური და ასობით დელეგატი ესწრება. დელეგაციას საქართველოდან პრემიერ-მინისტრი გიორგი კვირიკაშვილი ხელმძღვანელობს.

განცხადება ჟურნალისტებისთვის ნატო-ს გენერალურმა მდივანმა იენს სტოლტენბერგმა გააკეთა, რომელმაც აღნიშნა, რომ საქართველო ალიანსის უმნიშვნელოვანესი პარტნიორია, ნატო კი განაგრძობს საქართველოს პოლიტიკურ მხარდაჭერას:

„საქართველო ნატო-ს ღირებული პარტნიორია, ალიანსი განაგრძობს მის პოლიტიკურ და პრაქტიკულ მხარდაჭერას. საქართველო იმსახურებს ქებას მიღწეული პროგრესისა და იმ რეფორმებისთვის, რომელსაც ატარებს. საბოლოოდ 29 წევრი გადაწყვეტს, როდის იქნება საქართველო მზად გახდეს ალიანსის წევრი. რაც შეეხება რუსულ საფრთხეს, ვერ ვხედავთ, რომ ჩვენი მოკავშირეების წინააღმდეგ ეს საფრთხე გარდაუვალია, მაგრამ სახეზეა უფრო ძლიერი რუსეთი, რომელმაც გამოიყენა სამხედრო ძალა მეზობელი უკრაინის წინააღმდეგ, რომელსაც ჰყავს შეიარაღებული ძალები საქართველოსა და მოლდოვაში, ნატო ახდენს რეაგირებას, მაგრამ ჩვენი რეაგირება პროპორციული და მოზომილია. ის მიმართულია ახალი გამალებული შეიარაღებისა და ახალი ცივი ომის პრევენციისკენ, ასევე ვაგრძელებთ მუშაობას რუსეთთან დიალოგისთვის, დიალოგი ყოველთვის მნიშვნელოვანია, განსაკუთრებით მაშინ, როდესაც დაძაბულობა მაღალია“, - აღნშნა იენს სტოლტენბერგმა.