მედიის საკითხებთან დაკავშირებით დღეს გამართულ საჯარო შეხვედრაზე „რუსთავი 2-ის” გენერალურ ნიკა გვარამიასა და "ტვ პირველის" ჟურნალისტებს შორის სიტყვიერი დაპირისპირება მოხდა.

უფრო კონკრეტულად, შეხვედრაზე, გვარამიამ „ტვ პირველის” ჟურნალისტებისგან მოითხოვა იმის გასაჯაროება, ხელისუფლების რომელი წარმომადგენელი და რა ფორმით ცდილობდა ტელეარხზე გავლენის მოხდენას, ან ხელში ჩაგდებას.

გვარამიას დაინტერესება „ტვ პირველის” ჟურნალისტების, ნინო ჟიჟილაშვილის განცხადებამ გამოიწვია ამ უკანასკნელის თქმით, „ხელისუფლებას არ აქვს კომფორტი, რომ ბაზარზე არსებობს პატარა, მაგრამ საკმაოდსოლიდური საზოგადოებრივი აზრის შემქმნელი დამოუკიდებელი მედიასივრცე”. ნინო ჟიჟილაშვილს დღეს კონკრეტული გვარები არ დაუსახელებია და აქვე თქვა, რომ პირდაპირი მტკიცებულებები არ აქვთ.

,,რა კონტექსტში ითქვა, რომ გადაჭარბება ახასიათებს “ტვ პირველს”, რას ნიშნავს სიგნალები, ვისგან იყო ეს სიგნალები, იყო თუ არა მფლობელზე ზეწოლა, ფიგურირებდა თუ არა ქუმსიშვილისა და ჯეჯელავას გვარები. ეს გვაინტერესებს და არა ის კუთხეებშემოთლილი ტექსტი, რომელიც თქვენ ბრძანეთ. წლის მოვლენა არის არა საზოგადოებრივი მაუწყებელი, რომელსაც არაფერი არ ეშველება, ჩემთვის ტვ ,,პირველზე" მეტად მნიშვნელოვანი ისა თუ რა ხდება “ტვ პირველზე”, - მიმართა ნიკა გვარამიამ “ტვ პირველის” ჟურნალისტებს.

რაზეც ვახო სანაიამ კითხვით მიმართა ნიკა გვარამიას, რასაც სიტყვიერი დაპირისპირება მოჰყვა:

“იცით თუ არა რაიმე ისეთი, რაც არ ვიცით ჩვენ და რაც შეიცავს დანაშაულის ნიშნებს? თქვენ თქვით, რომ აქ არის დანაშაულის ნიშნები და გვითხარით, რა არის და ჩვენ ამას ვიტყვით,” – თქვა სანაიამ.

“ტვ პირველს” ჟურნალისტების მტკიცებით, მათ პრობლემის დამალვა არ უცდიათ, პირიქით, მათ დახურულ შეხვედრაზე ნფორმაცია არასამთავრობოებსა და დიპლომატიურ კორპუსს მიაწოდეს.