"მახა ჩემი ძმა და ჭირისუფალია... ამ ყველაფერს იმიტომ ვამბობ, რომ რაღაც კუდების გამობმა მოინდომეს"- დოდო გუგეშაშვილი მალხაზ მაჩალიკაშვილზე

პოლიტიკა - 16:09, 15 Feb, 2018

1579

დოდო გუგეშაშვილის შვილის დაკრძალვისას მას პანკისის ხეობაში ჩატარებული სპეცოპერაციისას მოკლული თემირლან მაჩალიკაშვილის მამამაც მიუსამძიმრა. დოდო გუგეშაშვილის თქმით მალხაზ მაჩალიკაშვილი მისი ახლობელი და ჭირისუფალია, როგორც თავად იყო მაჩალიკაშვილების ოჯახის ჭირისუფალი, როდესაც მათი შვილი გარდაიცვალა. დოდო გუგეშაშვილმა ჟურნალისტებთან საუბრისას ხაზი გაუსვა იმ ფაქტს, რომ მალხაზ მაჩლიკაშვილი საქართველოს პატრიოტი და საქართველოს ერთიანობის დამცველია:

„მახა ჩემი ძმაა, ის არის მუსულმანი, ჩვენ ძმები ვართ იმიტომ რომ ორთავე ამ ქვეყნის შვილები ვართ, მახა სულით, გულით, სისხლით, ხორცით არის საქართველოს პატრიოტი. ის ჩემი ძმა და ჭირისუფალია, როგორც მე მისი და მისი ოჯახის ჭირისუფალი ვარ. ამ ყველაფერს იმიტომ ვამბობ, რომ რაღაც კუდების გამობმა მოინდომეს როცა ხედავდნენ, რომ დღე და ღამე საავადმყოფოში ვიყავი თემირლანის უბედურების დროს. იცოდეთ, რომ ეს კაცი ძალიან მაგარი ქართველია და კბილებით ეჭირათ ამას და პანკისის ხეობას საქართველოს ის ნაწილი და დაიჭერენ ხვალაც და ზეგაც, მტერს იქიდან არ შემოახედებენ.“- განაცხადა დოდო გუგეშაშვილმა.