GIPA-ს საჯარო მმართველობის საბაკალავრო პროგრამისთვის აკრედიტაციის გაუქმების შემდეგ, განათლების სფეროს ექპერტებს კითხვები აქვთ ხელისუფლებასთა.

აკრედიტაციის საბჭოს პირველად დასკვნას პროფესორებისა და სტუდენტების პროტესტი მოჰყვა.

კითხვები აქვს განათლებისა და მეცნიერების ყოფილ მინისტ დიმიტრი შაშკინს, როგორც მან "ნიუპოსტთან" თემის კომენტირებისას აღნიშნა, რომ ხელისუფლება რეიტინგულ უნივერსიტეტს პოლიტიკური ინტერესების გამო ებრძვის, რადგან გავრცელებული ინფორმაციით, საპრეზიენტო ვადის ამოწურვის შემდეგ, გიორგი მარგველაშვილი ერთ-ერთ ვერსიად საქმიანობის GIPA-ში გაგრძელებას განიხილავს.

"ბუმერანგი ყოველთვის ბრუნდება, ისტორია მეორდება, ზოგჯერ ტრაგედიის სახით. 2013 წელს, როცა გიორგი მარგველაშვილი განათლების მინისტრის პოსტს იკავებდა, მან ბიძინა ივანიშვილისთვის ლოიალობის დამტკიცების მიზნით, კანონის უხეში დარღვევით, კახა ბენდუქიძის უნივერსიტეტი დახურა. სიტუაცია, მხოლოდ სტუდენტთთა ფართომასშტაბიანი პროტესტის შედეგად შეიცვალა. მარგველაშვილმა წლების წინ, მისი გადაწყვეტილებით ძალიან ცუდი პრეცენდენტი შექმნა და რაც დღეს GIPA-სთან მიმართებით ხდება პირადად მისი "დამსახურებაა".

დღეს ზუსტად იგივე ისტორია მეორდება - მას შემდეგ რაც გავრცელდა ინფორმაცია, რომ მარგველაშვილი GIPA-ში დაბრუნებას განიხილავს, მან ეს სურვილი შიდა წრეში უკვე გამოთქვა. ხელისუფლება დღეს სწორედ იგივეს აკეთებს ამ უნივერსიტეტთან მიმართებით, რომელ ბრძანებასაც 2013 წელს მარგველაშვილმა პირადად მოაწერა ხელი. კომედია კი იმაში მდგომარეობს, რომ GIPA-ს სამართლისა და პოლიტიკის პროგრამის აკრედიტაციას აუქმებს, ამავე უნივერსიტეტის ყოფილი ბუღალტერი. სამწუხაროა, მაგრამ მარგველაშვილმა ის მოიმკა, რაც დათესა"- განაცხადა დიმიტრი შაშკინმა.