იან კელი მიხეილ სააკაშვილის უკრაინიდან გაძევებაზე პირველ კომენტარს აკეთებს

პოლიტიკა - 10:37, 13 Feb, 2018

1846

საქართველოში აშშ-ის ელჩის იან კელის განცხადებით, მიხეილ სააკაშვილის უკრაინიდან პოლონეთში გაძევების პროცესს ყურადღებით აკვირდებიან.

„ჩვენ ყურადღებით ვაკვირდებით მიმდინარე პროცესებს. რა თქმა უნდა, აუცილებელია, რომ პროცესი სამართლიანი იყოს. რაც შეეხება იმას, თუ რა გავლენას მოახდენს მომხდარი საქართველოზე, ბევრჯერ მითქვამს, რომ ჩვენ მხარს ვუჭერთ საქართველოს, რომ განვითარდეს და გახდეს ძლიერი, მტკიცე დემოკრატიის ქვეყანა და თავისი რესურსები მიმართოს სტაბილური და წარმატებული მომავლისკენ, ხოლო სხვა კუთხით ნებისმიერი გადაწყვეტილება ქვეყნის სუვერენული გადაწყვეტილებაა“, - განაცხადა იან კელიმ.

შეგახსენებთ, 12 თებერვალს, საქართველის მესამე პრეზიდენტი, ოდესის ოლქის ყოფილი გუბერნატორი და პარტია "ახალი ძალების მოძრაობის" ლიდერი მიხეილ სააკაშვილი, კიევში, რესტორან "სულგუნში" უკრაინის სასაზღვრო სამსახურის წარმომადგენლებმა აიყვანეს და გაურკვეველი მიმართულებით წაიყვანეს. მოგვიანებით, უწყებამ ოფიციალური განცხადება გააკეთა, რომ სააკაშვილი პოლონეთში გააძევეს, საიდანაც პასპორტის გარეშე გადაკვეთა უკრაინის საზღვარი. სააკაშვილი პოლონეთში იმყოფება.