„შეიარაღებისთვის ნატო ითხოვს, რომ ბიუჯეტიდან 20% იყოს გათვალისწინებული“

„შეიარაღებისთვის ნატო ითხოვს, რომ ბიუჯეტიდან 20% იყოს გათვალისწინებული“ - ლევან იზორია

პოლიტიკა - 10:40, 13 Feb, 2018

1896

საქართველოს თავდაცვის მინისტრი ლევან იზორია დღეს პარლამენტს 2018 წლის ანგარიშს წარუდგენს. მინისტრის საკანონმდებლო ორგანოში უკვე მივიდა. იზორიას განცხადებით, მის უწყებაში ოპტიმიზაცია უკვე მოხდა, რის შემდეგაც ადმინისტრაციული და სახელფასო ხარჯი 65%-დან 53%-მდე შემცირდა.

,,გვაქვს მნიშვნელოვანი წარმატებები, რითაც მკაფიოდ და კონკრეტულად შემიძლია ვთქვა, რომ ვაკმაყოფილებთ ნატოს სტანდარტებს. კერძოდ ჩვენ ოპტიმიზაცია დავიწყეთ იმ მიზნით, რომ თანხები მიგვემართა უმეტესწილად, თავდაცვისუნარიანობის შეიარაღების გასაძლიერებლად ამ თვალსაზრისით სახელფასო ხარჯების 53% მიემართება მხოლოდ ხელფასებსა და სოციალურ დახმარებებზე, რაც არის ნატოს სტანდარტი.

მივმართეთ დიდწილად თანხები შეიარაღებაზე კერძოდ, იცით,რომ თავდაცვის ბიუჯეტი უნდა აკმაყოფილებდეს მთლიანი შიდა პროდუქტის 2%-ს, რასაც ვაკმაყოფილებთ, შეიარაღებისთვის ნატო ითხოვს, რომ ამ ბიუჯეტიდან 20% იყოს გათვალისწინებული, რასაც ვაჭარბებთ და ეს არის ისტორიული მოვლენა, ისტორიული მოვლენაა, რომ წელს შევიძინეთ ტანკსაწინააღმდეგო სისტემები, ჯაველინების სისტემაზეა საუბარი, ვასრულებთ, საფრანგეთთან ანტისაჰაერო სისტემის შეძენას, რომელიც პირველი ფაზით იყო გათვალისწინებული და გადავდივართ მეორე ფაზაზე,“- განაცხადა იზორიამ.