პოროშენკო არც პრეზიდენტია, არც კაცი, ის ვერაგი "ბარიგაა"

პოროშენკო არც პრეზიდენტია, არც კაცი, ის ვერაგი "ბარიგაა" - სააკაშვილი

პოლიტიკა - 21:40, 12 Feb, 2018

1594

მიხეილ სააკაშვილი უკრაინულ მედიასთან ინტერვიუში აცხადებს, რომ სისხლის სამართლის საქმე, რომელიც მის წინააღმდეგ არის აღძრული საქართველოში, ყალბია, ისევე, როგორც ყალბია მის წინააღმდეგ გამითქმული ბრალდებები უკრაინაში.

მისი განცხადებით, უკრაინის გენერალური პროკურორის მიერ მის წინააღმდეგ გამოთქმულ ბრალდებები სრული სისულელე იყო და სწორედ ამის გამო დააბრუნეს ის პოლონეთში.

"ფაქტია ამკიდეს რაღაც უაზრო საქმე, რაც სრული სისულელე იყო, მე არ მეშინია ციხის, ამიტომ ვუთხარი, რომ შეუძლიათ დამაპატიმრონ უკრაინაში და თქვენ იცით, რომ ვერ შეძლეს ჩემი დაპატიმრება და იძულებულნი იყვნენ გავეშვი პოლონეთში," - განმარტავს სააკაშვილი.

აქვე, სააკაშვილი საქართველოში მის ექსტრადაციის საკითხსაც შეეხო.

"საქართველოში ჩემს წინააღმდეგ საქმე მართალი რომ იყოს საქართველოს გადამცემდნენ. უბრალოდ პუტინსაც, პოროშენკოსაც და ოლიგარქებსაც უნდათ, რომ მე უკრაინაში არ ვიყო," - აცხადებს სააკაშვილი.

მისი თქმით, მომხდარზე სულიერი სიძლიერით და სიმართლით უნდა გაიცეს პასუხი.

"ჩვენ მართლები ვართ, ისინი - ტყუიან. პოროშენკოს დღეები აქვს დარჩენილი. ეს წვრილფეხა, შეშინებული, იაფფასიანი პოროშენკო - ის არც პრეზიდენტია, არც კაცი, ის ვერაგი "ბარიგაა", რომელიც ღუპავს უკრაინას," - აცხადებს სააკაშვილი NewsOne-ის ეთერში.