"ჩემმა დიდმა ბებიამ სტალინი სიკვდილს გაადაარჩინა..."- მიხეილ სააკაშვილის შთაბეჭდილებები ფილმზე

სოც.მედია - 13:24, 12 Feb, 2018

2098

საქართველოს მესამე პრეზიდენტი მიხეილ საააკაშვილი ფილმ „სტალინის სიკვდილის“ ნახვის შემდეგ შთაბეჭდილებებს ფეისბუკმომხმარებლებს უზიარებს. სააკაშვილის თქმით, ფილმი ძალიან კარგია და სიტუაცია რეალურად არის აღწერილი:

„მეგობრებთან ერთად კინოში „სტალინის სიკვდილის“ სანახავად წავედით. სუპერ მაგარი ფილმია. ჩემი დიდი ბებია თამარი მიყვებოდა იმაზე, თუ როგორ გადაარჩინა მან სტალინი მეფის ჟანდარმებისგან. ხელჩაკიდებულმა გამოიყვანა თავისი მამის - მდიდარი მეწარმის სახლიდან. სტალინმა კი სიკეთე იმით გადაუხადა, რომ მთელი მათი ქონების კონფისკაცია მოახდინა და გაანადგურა მისი მამა და ძმა. ჩემი ინგლისურის მასწავლებელი, გელა ჩარკვიანი, სტალინის სიკვდილამდე რამდენიმე წლით ადრე ხშირად სტუმრობდა მას მამასთან ერთად, რომელიც კავკასიის პარტიული მაღალჩინოსანი იყო და სიტუაცია, რომელსაც ის აღწერდა ძალიან ჰგავს იმას, რაც ფილმშია ნაჩვენები. ასე რომ რეკომენდაციას ვუწევ, წადით და ნახეთ.“- წერს მიხეილ საააკაშვილი.

რეჟისორ არმანდო იანუჩის ბრიტანულ-ფრანგული პოლიტიკურ-სატირული კომედიური მხატვრული ფილმი, 2017 წელს არის გადაღებული. მასში აღწერილია სიტუაცია, რომელიც1953 წელს საბჭოთა ბელადის იოსებ სტალინის გარდაცვალების შემდეგ შეიქმნა. ფილმში მთავარი როლები შეასრულეს: ოლგა კურილენკო, ანდრეა რაიზბორო, რუპერტ ფრენდი, ჯეისონ აიზეკსი, სტივ ბუშემი. რუსეთში ფილმმა აღშფოტების ტალღა გამოიწვია. ცნობილმა პოლიტიკოსებმა და კულტურის მოღვაწეებმა გაქირავებიდან ფილმის ამოღება მოითხოვეს.