"კანონი უხეშად ირღვევა, პოლიციელებს შვებულების გამოყენების უფლება არ ეძლევათ"

"კანონი უხეშად ირღვევა, პოლიციელებს შვებულების გამოყენების უფლება არ ეძლევათ" - ენმ გახარიას მიმართავს

პოლიტიკა - 12:25, 12 Feb, 2018

1481

„ნაციონალური მოძრაობის“ წარმომადგენელი, ყოფილი პოლიციელი გია ხალვაში აცხადებს, რომ „პოლიციელებს საშუალებას არ აძლევენ, ისარგებლონ კანონით გათვალისწინებული შვებულებით. ასევე ირღვევა მათი სამუშაო დრო და ისინი 24-საათიან რეჟიმში მუშაობენ.

„მე თითქმის ყოველდღე მხვდებიან კრიმინალური პოლიციის, საპატრულო პოლიციის თანამშრომლები, რომლებიც ამ პრობლემაზე მიყვებიან. ვფიქრობთ, დაღლილი და უძინარი პოლიციელი ვერ დაიცავს მოქალაქეებს, რადგან მათი უფლებები დაუცველია. პოლიციელები ამ თემაზე ხმამაღლა სამსახურის დაკარგვის გამო ვერ საუბრობენ. გადაღლა შრომისუნარიანობაზე მოქმედებს და, ბუნებრივია, გვექნება პრეტენზიები, რომ პოლიციელმა უფლებამოსილებას გადააჭარბა ან არასწორად მოიქცა და ა.შ. ნორმირებული სამუშაო დრო არის კვირაში 40 საათი, ანუ ხუთი დღე, გამოსასვლელი დღე ისედაც არ არის პოლიციაში და ესეც უკვე ითვლება არანორმირებულად“, - ამბობს ხალვაში.

გია ხალვაში ამბობს, რომ ენმ-მ უმაღლეს საბჭოში წარადგინა კანონპროექტი, რომელიც ითვალისწინებდა პოლიციელის შვებულებით სარგებლობას და სავალდებულო დასვენების უზრუნველყოფას, თუმცა ეს კანონპროექტი უმრავლესობამ ჩააგდო.