„არავინ არ სთხოვს არავის სააკაშვილის გარშემო გაერთიანებას,"

„არავინ არ სთხოვს არავის სააკაშვილის გარშემო გაერთიანებას," - ნიკა მელიას პასუხი გიგა ბოკერიას

პოლიტიკა - 18:07, 11 Feb, 2018

1777

გიგა ბოკერიას მიერ გაკეთებულ განცხადებას "ნაციონალურ მოძრაობის" ერთერთმა ლიდერმა ნიკა მელიამ უპასუხა. მიხეილ სააკაშვილის ინიციატივის თაობაზე, საქრთველოში ფართო ოპოზიციური გაერთიანების შექმნისა და ერთიანი საპრეზიდენტო კანდიდატის წამოყენების მელიამ განაცხადა, რომ არავინ ითხოვს სააკაშვილის გარშემო გაერთიანებას და ნურც ნურავინ მოითხოვს უგულავას გარშემო გაერთიანებას. საერთო ოპოზიციურ კანდიდატს საინიციატივო ჯგუფი წარადგენს.

მელიამ აღნიშნა, რომ თუ გახდება შესაძლებელი ხონის და ვანის საარჩევნო ოლქში ერთიანი კანდიდატის წაყენება, ამ ფაქტს აუცილებლად მოყვება ერთიანი საპრეზიდენტო კანდიდატზე შეჯერებაც.

"არავინ თხოვს არავის სააკაშვილის გარშემო გაერთიანებას, მაგრამ ნურც ნურავინ ითხოვს უგულავას გარშემო გაერთიანებას. მეტსაც გეტყვით, უკვე ორის-სამი კვირაა მიმდინარეობს კონსულტაციები სხვადასხვა დონეზე, სხვადასხვა პოლიტიკურ პარტიებთან, რომ შევჯერდეთ ერთიან კანდიდატზე ვანისა და ხონის საარჩევნო ოლქში. და რა დავინახეთ, ამის პარალელურად? "ევროპულმა საქართველომ" წარადგინა ბატონი უგულავა კანდიდატად.

მე არ მგონია, რომ უგულავა არის დღეს იმ პოლიტიკურ ფორმაში, რომ დაამარცხოს სახელისუფლო კანდიდატი, ბევრი მიზეზიდან გამომდინარე. ის არ არის ელექტორალურად მიმზიდველი. ჩვენ უნდა ვიფიქროთ საერთო ძლიერ ოპოზიციურ კანდიდატზე ვანისა და ხონის საარჩევნო ოლქში. მე იმედი მაქვს ამ საერთო კონსულტაციებში "ევროპული საქართველოც" მიიღებს აქტიურ მონაწილეობას და ჩვენ შევძლებთ ერთიანი ოპოზიციური კანდიდატით გავიდეთ ვანისა და ხონის არჩევნებზე. და ამის შემდეგ კიდევ უფრო შესაძლებელი იქნება საერთო ოპოზიციური საპრეზიდენტო კანდიდატი დავუყენოთ ხელისუფლებას," - განაცხადა ნიკა მელიამ.