მუხთარლის სკანდალური განცხადება: ,,ამ დანაშაულის სათავეში პრემიერი კვირიკაშვილი დგას. სწორედ მან გასცა ჩემი გატაცების ბრძანება“

პოლიტიკა - 01:20, 09 Feb, 2018

1997

ციხიდან ორი დღით გათავისუფლებულმა აზერბაიჯანელმა ჟურნლისტმა აფგან მუხტარლიმ სკანდალური განცხადება გააკეთა. ,,ტვ პირველისთვის“ მიცემულ ექსკლუზიურ სატელეფონო ინტერვიუში ჟურნალისტმა განაცხადა, რომ 28 მაისს, თბილისიდან მისი გატაცების ბრძანება პირადად პრემიერმა კვირიკაშვილმა გასცა. მუხთარლი აღნიშნულ საქმეს მის ჟურნალისტურ მოღვაწეობას უკავშირებს, რომელიც აზერბაიჯანის პრეზიდენტის ბიზნესინტერესებიდან გამომდინარე ალიევისთვის მიუღებელი იყო - ,,სწორედ ამიტომ სურდათ ჩემი დაკავება. რათა გავჩუმებულიყავი“,- აცხადებს მუხტარლი

,,ამ დანაშაულის სათავეში დგას პრემიერ-მინისტრი კვირიკაშვილი. სწორედ, მან გასცა ბრძანება ჩემი გატაცების შესახებ. სწორედ მან გასცა ბძანება რომ საბაჟოზე ჩემი აყვანა მომხდარიყო. ამ დანაშაულის სათავეში კვირიკაშვილი დგას. მასში მონაწილეობა მიიღო საქართველოს საბაჟოს ხელმძღვანელმა, ლაგოდეხის საბაჟო პუნქტის უფროსმა და სავარაუდოდ კრიმინალურმა პოლიციამაც” - აცხადებს მუხტარლი ,,ტვ პირველთან" ექსკლუზიურ ინტერვიუში.

მისივე თქმით, თვალთვალი 2 თვის განმავლობაში მიმდინარეობდა. მუხთარლი ეჭვობს, რომ მუხტარლი ეჭვობს რომ მისი გატაცების სანაცვლოდ ქართულმა მხარემ და კონკრეტულმა პირებმა ფინანსური სარგებელიც მიიღეს. ჟურნალისტი ამბობს, რომ გამტაცებლები ქართულად საუბრობდნენ. ,,გატაცებამდე ორი თვით ადრე ყოველდღიურად ვიღაც მითვალთვალებდა. ამის შესახებ ინფორმაცია ქართულ მხარესაც ჰქონდა. პოლიციამაც იცოდა. მხოლოდ მე არა ჩემს მეგობრებსაც უთვალთვალებდნენ. ქართულ მხარეს ჩემს დასაკავებლად არანაირი საფუძველი არ ჰქონდა. სასამართლოს მეშვეობითაც ვერაფერს იზამდნენ. ალბათ ამ საქმეში დიდი ფული აიღეს. ძალიან ვწუხვარ რომ საქართველოს ასეთი მთავრობა ჰყავს. ნამდვილად არ მეგონა თუ ქართული ოცნების ხელისუფლება ასე მოიქცეოდა. ეს საქართველოსთვის უკან გადადგმული ნაბიჯია. ვფიქრობ რომ მომავალ არჩევნებში ქართველები ქართულ ოცნებას მხარს აღარ დაუჭერენ“,- განაცხადა მუხთარლიმ.