სახელმწიფო პროგრამით დაფინანსებული მედიკამენტების ჩამონათვალი და ბენეფიციართა წრე იზრდება

პოლიტიკა - 17:35, 08 Feb, 2018

1054

ჯანდაცვის მინისტრის განცხადებით, ამბულატორული მედიკამენტების ხელმისაწვდომობის სახელმწიფო პროგრამა მედიკამენტების ჩამონათვლის და მოსარგებლეთა კუთხით, სავარაუდოდ ზაფხულიდან გაფართოვდება. დავით სერგეენკოს თქმით ყველაზე გავრცელებული ქრონიკული დაავადების სამკურნალო მედიკამენტების რაოდებონა 23-დან 50-მდე გაიზრდება და სახელმწიფო პროგრამა სოციალურად დაუცველების გარდა სხვა კატეგორებსაც შეეხება:

“აქამდე ამბულატორული მედიკამენტების მხრივ სახელმწიფო პროგრამის მოსარგებლეები იყვნენ მხოლოდ ის ადამიანები, ვისაც 100 000 ქულაზე ნაკლები ჰქონდა და მათზე ყველაზე გავრცელებული ქრონიკული დაავადებისთვის სამკურნალო 23 მედიკამენტი ვრცელდებოდა. ეს ჩამონათვალი უნდა გაიზარდოს. მასში ასაკით პენსიონერები, შეზღუდული შესაძლებლობის მქონე პირები და დამატებითი კონტინგენტი უნდა შევიდეს. ასევე, 23 მედიკამენტი, წინასწარი შეფასებით, 40-50-ის ფარგლებში უნდა გაიზარდოს.ჩვენი წინასწარი ანალიზით, სოციალურად დაუცველ მოსახლეობას, 100 000 ქულამდე მქონეს უნდა შეეძლოს მაქსიმუმ ლარად შეიძინოს არა მხოლოდ 23, არამედ პრაქტიკულად ორჯერ მეტი მედიკამენტი. რაც შეეხება ასაკით პენსიონერებს, მათ ამ 40-45 ჩამონათვალის მინიმუმ დღევანდელი საბაზრო ფასის ნახევრად შეძენა უნდა შეძლონ“- განაცხადა სერგეენკომ.

მინისტრის თქმითა აღნიშნულ ცვლილებებთან დაკაშირებით პირველი მონახაზი მომავალი ორი კვირის განმავლობაში გაკეთდება.