"ძველი ბიჭები გვყავს საბჭოში სამწუხაროდ და საქმის გარჩევებიც მიდის"- ნაზი ჯანეზაშვილი იუსტიციის უმაღლეს საბჭოში დაპირისპირებაზე

პოლიტიკა - 16:00, 07 Feb, 2018

1193

იუსტიციის უმაღლესი საბჭოს არამოსამართლე წევრი ნაზი ჯანეზაშვილი, იმ დაძაბულ სიტუაციაზე საუბრობს, რომელიც იუსტიციის უმაღლეს საბჭოშია, მისი თქმით უვადოდ გამწესების მსურველ მოსამართლეებთან გასაუბრება სრულიად ამოვარდნილია კალაპოტიდან. ნაზი ჯანეზაშვილის განცხადებით, წევრთა ნაწილის მხრიდან გაღიზიანება მის მიერ გაკეთებულ განცხადებებს და კითხვას მოყვა, რომელიც ერთ-ერთ მოსამართლეს დაუსვა, თუ რის საფუძველზე მოითხოვა გასაუბრებიდან ანა დოლიძის აცილება:

“ეს გასაუბრება სრულიად ამოვარდნილია კალაპოტიდან, ვიდრე დაიწყებოდა გასაუბრება სერგო მეთოფიშვილმა, რომელიც იუსტიციის საბჭოს წევრია, მოითხოვა ჩემგან პასუხები, თუ რატომ მივეცი მედიას კომენტარი, რომ ისინი არღვევენ ეთიკის ნორმებს. დიახ, ისინი არღვევენ ეთიკის ნორმებს. ნებისმიერი მოქმედება, რასაც ახორციელებენ, ეს არის საშიში. მე სხდომა დროებით დავტოვე არამოსამართლე წევრი შოთა ქადაგიძის მიერ არაკორექტული მიმართვის გამო, მან საკმაოდ არაკორექტულად მომმართა. ძველი ბიჭები გვყავს საბჭოში სამწუხაროდ, საქმის გარჩევებიც მიდის, ეს ქადაგიძის პოზიცია კი უკავშირდებოდა ერთ-ერთი მოსამართლის მიმართ ჩემ კითხვას.”- განაცხადა ნაზი ჯანეზაშვილმა.