"სასამართლო სისტემა პოლიტიკური მართვის ინსტრუმენტია"

"სასამართლო სისტემა პოლიტიკური მართვის ინსტრუმენტია" - სალომე სამადაშვილი

პოლიტიკა - 16:53, 07 Feb, 2018

1470

ერთიანი ნაციონალური მოძრაობის წარმომადგენლმა სალომე სამადაშვილმა პარლამენტში გამოსვლისას სასამართლო სისტემაში მიმდინარე პროცესებზე ისაუბრა და ხელისუფლება გააკრიტიკა.

მისი განცხადებით, სასამართლო სისტემა პოლიტიკური მართვის ინსტრუმენტი.

"უმრავლესობის წარმომადგენლების განცხადებების მოსმენისას, შეგრძნება მქონდა, რომ აბსურდის თეატრში უნიჭო სპექტაკლს ვესწრები, სადაც სხვადასხვა მიმართულებით წარმატებებზე გვესაუბრებიან, მაშინ როდესაც ყოველდღიურად მკვლელობების შესახებ ინფორმაციას ვიგებთ და ქვეყანაში ერთი დღე არ გადის ისე, რომ ვინმე ძალადობის მსხვერპლი არ გახდეს.

ამ ცუდ სპექტაკლში ერთ-ერთი ყველაზე უნიჭო სცენა დამოუკიდებელ და წარმატებულ სასამართლოზე საუბარი იყო.

ბატონო ანრი, თქვენ ალბათ არ იცით, რომ სასამართლო სისტემის ეფექტიანობა გამომდინარეობს განხილვის სისწრაფიდან და არაა ბევრი განუხილავი საქმეებით, თუმცა ამ კრიმინალური ფონიდან გამომდინარე ეს პრობლემაც შეექმნება და დაგროვდება განუხილავი საქმეები, რადგან ყოველ დღეს ჩვენ ქვეყანაში არიან მორიგი ძალადობის მსხვერპლი

სასამართლომ 5 იანვარს სამარცხვინოდ წაუყენა ბრალი საქართველოს მესამე პრეზიდენტს მისი კონსტიტუციური უფლების გამოყენებისთვის, ეს ის სასამართლოა, რომელიც განიხილავს ენმ-ის პოლიტიკური საბჭოს თავმჯდომარის საქმეს და შესაძლებელია გახდეს პოლიტიკური დევნის ინსტრუმენტი, ასევე ეს ის სასამართლოა, რომელიც სტრასბურგის სასამართლომ შეაჩერა, როდესაც დამოუკიდებელი ტელევიზიის მფლობელისთვის ჩამორთმევას ცდილობდა.

ბრიუსელში საქართველო-ევროკავშირის ასოცირების საბჭოზე საქართველოს კიდევ ერთხელ მიუთითეს, რომ ამ ქვეყნის ევროინტეგრაციის გზაზე არარეფორმირებული სასამართლო სისტემა სერიოზული დაბრკოლება იქნება. გუშინ ღიად და აშკარად გამოვიდა სასამართლო სისტემა ხელშეუხებელი კლანი, რომელიც უმრავლესობის და ბიძინა ივანიშვილის პოლიტიკურ დაკვეთებს ასრულებს და ბედავს გაილაშქროს იმ ადამიანებზე, რომლებსაც ვალდებულება აქვთ ისაუბრონ სასამართლოს დამოუკიდებლობაზე, მათ შორის იუსტიციის საბჭოს წევრებზე.

სასამართლო სისტემა პოლიტიკური მართვის ინსტრუმენტია.

ხელისუფლებისგან მოქალაქეებს მხოლოდ დამოუკიდებელი სასამართლო სისტემა დაიცავს, თუმცა თქვენ ამის უფლება წაართვით ‘’- განაცხადა სალომე სამადაშვილმა