საგაზაფხულო სესიის პირველი პლენარული სხდომა დღეს გაიმართება

საგაზაფხულო სესიის პირველი პლენარული სხდომა დღეს გაიმართება - რაზე იმსჯელებენ კანონმდებლები

პოლიტიკა - 09:40, 07 Feb, 2018

953

დღეს 12:00 საათზე საგაზაფხულო სესიის პირველი პლენარული სხდომა გაიხსნება, მანამდე პარლამენტარები ბიუროს სხდომაზე შეიკრიბებიან.

საგაზაფხულო სესიის პირველ პლენარულ სხდომაზე მიმდინარე კანონპროექტების განხილვა იგეგმება.

საგაზაფხულო სესიის პლენარულ სხდომაზე კანონმდებლები პირველი და მეორე მოსმენით ათზე მეტ კანონპროექტს განიხილავენ. მათ შორის, „საქართველოს კანონის პროექტებს „იურიდიული დახმარების შესახებ“, „ადვოკატთა შესახებ“, „სახელმწიფო პენსიის შესახებ“, „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“, „საავტომობილო გზების შესახებ“ კანონპროექტებში ცვლილებების შეტანის თაობაზე.

დეპუტატები პირველი მოსმენით განიხილავენ „საქართველოს ადმინისტრაციულ სამართალდარღვევათა კოდექსში ცვლილებების შეტანის შესახებ“, „მაუწყებლობის შესახებ“ და „საბიუჯეტო კოდექსში ცვლილებების შეტანის შესახებ“ კანონპროექტებს.

განხილვის ერთ-ერთი მთავარი საკითხი სარეზერვო სამსახურის რეფორმირებასთან დაკავშირებით მომზადებული საკანონმდებლო პაკეტი იქნება.