მომღერალი და მსახიობი გიორგი ფოჩხუა დღეს 32 წლის გახდებოდა.

მისი და, მომღერალი ელენე ფოჩხუა სოციალურ ქსელში ემოციურ წერილს აქვეყნებს, რომელსაც მისყველაზე დიდ ტკივილს, რამდენიმე წლის წინ ტრაგიკულად დაღუპულ ძმას უძღვნის.

"დღეს ჩემი გიოს დაბადების დღეა, მინდა ცხადში ვულოცავდე , გულში ჩავიკრა და ვუთხრა, მენატრები“ -წერს ელენე.

გიორგი ფოჩხუა 2012 წლის 14 ივლისს ანაკლიაში მოკლეს. მალევე სამართალდამცველებს ბექა ცობეხია ჩაბარდა, რომელმაც დანაშაული აღიარა. ცობეხიას თავისუფლების 13 წლით აღკვეთა მიესაჯა.

გიორგი ფოჩხუა ზუგდიდის შალვა დადიანის თეატრის რეჟისორი და მსახიობი იყო. იგი მაყურებელს პროექტ “ჯეობარიდან” და “ვარსკვლავების აკადემიიდან” დაამახსოვრდა.