"პოლიტიკოსებში მოსმენილის ან წაკითხულის აღქმის პრობლემაა"- პრეზიდენტის თქმით ის "გირგვლიანის შესწორებებს" მხარს უჭერს

პოლიტიკა - 21:11, 03 Feb, 2018

1176

გიორგი მარგველაშვილმა ტელეკომპანია „იბერიის“ გადაცემა „დიალოგში“ მმართველი გუნდის საკანონმდებლო ინიციატივასთან დაკავშირებით ისაუბრა, რომელსაც სიმბოლურად „გირგვლიანის შესწორებები ჰქვია და ხელისუფლების წარმომადგენლების მიერ მართლმსაჯულებისთვის ხელის შეშლის შემთხვევაში სანქციების გამკაცრებას ითვალისწინებს. საქართველოს პრეზიდენტის თქმით ის ამ ინიციატივას მხარს უჭერს და ამსთანავე აქვს სპეციფიკური წინადადებები, რა უნდა ჩაიწეროს ამ ცვლილებებში, თუმცა გარკვეული პოლიტიკოსები ავრცელებენ მოსაზრებას, რომ ის ამ შესწორებების წინააღმდეგია:

„არის ისეთი დამოკიდებულება, თითქოს მე ამის წინააღმდეგ გამოვედი. რეალურად , როგორც ყოველთვის პოლიტიკოსებში არის მოსმენილის ან წაკითხულის აღქმის პრობლემა. რამდენიმე გამოსვლა მქონდა და ყველგან ვთქვი, რომ მხარს ვუჭერ ამ ცვლილებებს. მეტიც, მაქვს ჩემის სპეციფიკური წინადადებები, რა უნდა ჩაიწეროს ამ ცვლილებებში. კიდევ დავამატე, რომ მზად ვარ და ვმუშაობ იმაზე, რომ ჩამოვიყვანოთ ექსპერტები, სხვა ქვეყნებიდან, რომ დაგვეხმარონ ხარისხიანი ცვლილებების განხორციელებაში“, - განაცხადა მარგველაშვილმა.

როგორც გუშინ გახდა ცნობილი, პრეზიდენტის ინიციატივაა, რომ გირგვლიანის შესწორებები „ამნისტიის შესახებ“ კანონს დაეფუძნოს და სისტემიდან იმ ადამიანების დათხოვნა მოხდეს, რომლებიც სისტემურ დანაშაულში მონაწილეობდნენ.