"იმ ტაქსისტის შვილებიც ამ ქალაქში ცხოვრობენ, სადაც თუ ასე გაგრძელდა ცხოვრება შეუძლებელი გახდება"- კალაძე პროტესტს პასუხობს

პოლიტიკა - 13:00, 02 Feb, 2018

7736

დედაქალაქის მერი კახი კალაძე, ტაქსების აღრიცხვასა და შემდეგ მათ ლიცენზირებასთან დაკავშირებით მძღოლებისა და ოპოზიციის კრიტიკას პასუხობს.
კალაძის განცხადებით, დღეს თბილისის მცხოვრებლები ეკოლოგიური ვითარების გათვალისწინებით, საფრთხის წინაშე დგანან, ტაქსების რეგულირება კი ვითარების გამოსასწორებლად ერთ-ერთი ნაბიჯია.

„იმ ტაქსისტის შვილებიც ამ ქალაქში ცხოვრობენ, ჩვენი შვილებიც ამ ქალაქში ცხოვრობენ და ის არსებული ეკოლოგიური მდგომარეობა, რომელიც დღეს ჩვენ მივიღეთ, შეუძლებელია ასე გაგრძელება და ამ ქალაქში ცხოვრება, თუ ეს ყველაფერი არ იქნება მოწესრიგებული,“ - განაცხადა კახა კალაძემ.

მერის თქმით, ქალაქში ეკოლოგიური მდგომარეობის გამოსწორება რა თქმა უნდა, მხოლოდ ტაქსების რეგულირებით ვერ მოხერხდება, ამიტომ სხვა, მთელი რიგი ღონისძიებები დაგეგმილი.

კახა კალაძის ინიციატივასთან დაკავშურებით, რომელიც ტაქსების აღრიცხვას და ლიცენზირებას გულისხმობს მძოლები სკეპტიკურად უყურებენ.

როგორც თბილისის საკრებულოს „ევროპული საქართველოს“ ფრაქციის წევრებთან შეხვედრაზე ტაქსის მძღოლებმა განაცხადეს, ინიციატივა მათთვის მიუღებელია, რადგან ის დაამძიმებს მათ პირობებს.

მძღოლებუ ხელისუფლებას სოციალურ-ეკონომიკური მდგომარეობის გათვალისწინებას ურჩევენ.